Alianartoq: Marlunnut anaanaasoq toqutaasoq
Arnaq 33-nik ukiulik Nunatsinneersoq marlunnut anaanaasoq, tallimanngormat Fynimi Svendborgimi inissiami najukkamini toqutaavoq.
Annonse
Fyns Amts Avis taama allaaserisaqarpoq.
Tigumigallarneqartoq
Toqutaasup sanilia politiit unnerluutigaat – arnaq 32-nik ukiulik, aamma taanna kalaaliuvoq. Taanna juulip 20-ata tungaanut tigummigallarneqarpoq.
Toqutsineq sioqqullugu taakku arnat marluk aamma pasineqartup aapparisaa erngussimapput. Toquneranik nalunaaruteqarneq tallimanngornermi nalunaaqutaq 21.44 pivoq, Fynimi aviisi taama allappoq.
Aappariinneq nakuuserfiusoq
Inissiami najugaqartut Fynimi nutaarsiassaqartitsivimmut ilisimatitsipput, ‘’pasineqartoq aappanilu nakuuserfiusumik inuuneqartut, imigassamik aanngajaarniutinik atuisuullutik’’.
Arnap toqutaasup meerai tassani najugaqarsimanngillat. Kalaallit Nunaanni ilaqutaasut ilisimatinneqareerput, politiit ilisimatitsipput.