Orienteringsrejse
Aleqap ambassdørit 21-t tikilluaqquvai
Ambassadørit nunat pingajuineersut Københavnimi sulisut 21-t Kalaallit Nunaannut tikeraarput
Ambassadørit 21-it Nuummut Ilulissanullu paasisassarsiorlutik angalapput, tamannalu aaqqissuunneqarpoq qallunaat nunanut allanut ministereqarfiannit, nunanut allanut tunngasunut allaffik suleqatigalugu. Ambassadørinik Københavnimi sulisunik Kalaallit Nunaannut paasisassarsiorluni angatitsineq ukiut sisamakkaarlugit pisarpoq.
Ataasinngormat ambassadørit Naalakkersuisut siulittaasuannit Aleqa Hammondimit tikilluaqquneqarput, taassumalu oqaluttuarai Nunatsinni ineriartornissamut periarfissat aammalu Ukiaq manna ataatsimiinnermi Naalakkersuisunit politikkikkut aalajangiinissat pingaarutillit. Ambassadørit Kalaalit Nunaannik soqutinnilluarput aammalu nunaminnik suleqatigiinnissamik sakkortunerusumik periarfissanik soqutiginnillutik.
Ambassadørit tikeraarnerminni aamma Naalakkersuisunut ilaasortat arlallit inuussutissarsiortullu arlallit aamma naapippaat.
Ambassadørit Nunatsinneeqatigaat nunanut allanut ministereqarfimmi pisortanngorlaaq Ulrik Vestergaard Knudsen, taassumalu aamma immikkut atdorfillit ataatsimeeqatigai, ilaatigut urani IWC-lu oqaloqatigiissutigalugit.
Tikeraarnermi Australiamit, Indiamit, Sydafrikamit Schweiz-imillu ambassadørit ataatsimeeqatigineqarput, ilaatigut aatsitassarsiorneq, nunap inuiisa pisinnaatitaaffii, Issittumi Siunnersuisoqatigiit niuernikkullu suleqatigiinneq eqqartorneqarlutik.