Skip to main content

Aleqa Hammond: Ukiunut tallimanut pisassiissutit atuutsinneqalerlik

Aalisarnerup salliutinnera, suliassaqarfinnik akisussaalerneq, Amerikamiut nunamik atuinerisa aningaasatigut iluaqutigineqarnissaa ilaqutariinnullu siunnersuinerup annertusinera suliassaqarfiit ilagaat Aleqa Hammondip Nunatta Qitornai sinnerlugit qinigassanngortinnermini pingaartitai

Aleqa Hammond partii Nunatta Qitornai tunuliaqutaralugu Inatsisartunut qinigaassaguni Folketingimut ilaasortaaginnarniarpoq.

Folketingimiiginnassasoq

- Folketingimiippunga, siulittaasuunissara isumaqatigiinniutigisimallugu. Suleqatigiinneq ingerlalluarpoq, Inatsisartunullu qinigaassaguma Folketingimi qinigaaffik tamaat ingerlaannassallunga. Tamatuma saniatigut susoqassanersoq takujumaarmarput, Aleqa Hammond oqarpoq, ilaatigut suliassaqarfiit arlaqartut Danmarkimiittut akisussaaffigilernissaat qineqqusaarutigalugu, Aleqa Hammond aviisimut Sermitsiamut oqarpoq.

- Suliassaqarfiit Danmarkimiittut akisussaaffigilernissaannut suliaq aallartissavaara. Akisussaaffigilernissaannut piffissalersuisariaqarpugut, taamaalillutik attuumassuteqartut tamarmik susoqassanersoq malinnaavigisinnaallugu, suliassaqarfiillu aningaasalersornissaannut tamakkiisumik tapersersuisoqarnissaa qulakkeerlutigu. Suliassaqarfiit akisussaaffigineqalersussat tassaapput inuussutissalerinermik aqutsineq nersutinullu nakorsaqarfik, taamaaliornikkut nammineerluta neqiutivut aalisakkanillu tunisassiavut nammineq inatsisiliuussinnaallugit nunatsinni pissutsinut naleqqunnerusumik. Tamatuma kingunerissavaa niuertarfitsinni kalaallit tunisassiaasa amerlanerunissaat, taamaaliornikkullu nunarput inuussutissanik allanik pingaarutilinnik tunisassiornermut akisussaalerluni inatsisit nammineq aalajangersakkavut tunngavigalugit, taanna naqissusiivoq.

Aalisartunut ukiunut tallimanut pisassiinerit

Aalisarnermut inatsisissaq Inatsisartut ukiaanerani ataatsimiinneranni saqqummiunneqartoq eqqarsaatigalugu Aleqa Hammond isumaqarpoq aalisarnermut suliassaqarfik naalakkersuinikkut soqutigisanut tunngatinneqarunnaartariaqartoq.

- Aalisartorpassuupput isumaqarput inuussutissarsiutertik ingerlateqqissinnaanagu ullumikkut pisasseeriaaseq taama nalorninartigitillugu. Taamaattumik qineqqusaarutigaara siunissami aalisartut ukiunut tallimanut pisassinneqartalernissaat ullumikkutut ukiumut ataatsimuunngitsoq. Taamaaliornikkut aalisarnermi pissutsit toqqissisimanarnerulissapput, siunissamut ungasissumut pilersaarusiortoqarsinnaalluni, taamaalillunilu aalisartunut ataasiakkaanut aningaasaliinissamut periarfissat isumannaannerulerlutik. Ukiunut tallimanut pisassiinerit aamma inuussutissarsiutip naalakkersuinikkut sulinermit ingalassimatinnerussavaa, taamaalillutik naalakkersuisuusartut nikerartut ukiut tamaasa pisaassat nukkaangata iliuuseqartariaqaratik, Aleqa Hammond oqarpoq.

Siunissami aalisarnermut inatsisissap taamaallaat naalakkersuinermik suliaqartunit ilusilersorneqannginnissaa inuussutissarsiortunillu aamma ilusilersorneqarnissaa taassuma sulissutiginiarpaa. KNAPK taamaallaat tusarniaaffittut atorneqassanngilaq aammali aalisarnermik inatsinnik suliaqaqataalluni, taanna isumaqarpoq.

Allaaserisaq tamaat atuaruk, tassani ilaatigut Amerikamiut Nunatsinniinnerat sammineqarpoq. Aviisimut uani isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER