Aleqa Hammondip Anders Samuelsen isumasioqatiginiaraa

Folketingip Kalaallit Nunaannut tunngasunut ataatsimiititaliaata, Aleqa Hammondimik Nunatta Qitornaanneersumik siulittaasoqartup, nunanut allanut tunngasunut ministeri Anders Samuelsen (LA)

Camp Century pillugu isumasioqatigiinnissamut aggersarpaa. Isumasioqatigiinneq maajip 29-anni pissaaq.

Aviisi Sermitsiaq allappoq.

Camp Centurymik saliineq USA-mut illersornissaq pillugu isumaqatigiissutip ataaniissinnaanersoq nassuiaqqullugu ataatsimiititaliap nunanut allanut tunngasunut ministerimut qinnutigisimavaa.

Tamatuma saniatigut Camp Centurymut tunngasut makku oqallisigineqarnissaat ataatsimiititaliap kissaatigaa:

  • Saliineq naammaginartumik ingerlanneqarsimanersoq.
  • Danmarkimi naalakkersuisut atomimik nukissiuuteqarnermut kommissionip nalunaarusiaanut 1964-imeersumut innersuussutaat aamma avatangiisinut sunniutigisaannut tunngasut.
  • Atomimik nukissiuutip imermut minguttumut atatillugu avatangiisinut ajoqusiisinnaanera.
  • Atomimik nukissiuutip matuneqarneranut patsisaarpiartumik isertuussinermut pissutaasut.
  • Amerikamiut Nunatsinni nunaminertat illersornissamut atugaasa nunap assinganut nalunaarsorneqarsimanerat aamma nunap ilai tamakku annertusineqassatillugit aamma annikillisinneqassatillugit isumaqatigiissummi tunngaviusartut.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS