assit takukkit

Aleqa Hammond: Takkuppunga

Danmarkimi innuttaasunik ataatsimiititsinerni marlunni takkuttorpassuit Aleqa Hammond (S) oqalliseqatigimmassuk tamanna pikkunartumik ingerlanneqarpoq

Odensemi Det Nordatlantiske Hus SiumutEsbjergimi innuttaasunik ataatsimiititsineq SiumutEsbjergimi innuttaasunik ataatsimiititsineq SiumutOdensemi Det Nordatlantiske Hus SiumutOdensemi Det Nordatlantiske Hus SiumutOdensemi Det Nordatlantiske Hus Siumut

Paqumigineqartut ammaffiupput folketingimut ilaasortaq Aleqa Hammond (S) sapaatip akunnerani uani Odensemi Esbjergimilu innuttaasunik ataatsimiititsimmat.

Innuttaasunik ataatsimiititsinermit marluk uninnertaqanngitsumik ingerlanneqarput akunnerillu marluk sinnerlugit sivisussuseqarlutik.

Oqallinneq pitsanngoriartuinnartoq

– Tupinnaqaaq nunaqqatinnik naapitsininni taama pissarsiaqartigigama. Ilaat Svendborgimit Sønderborgimillu Odensemukarsimapput. Nuannaarutigaara takugakku Kalaallit Nunaanniinnaanngitsoq, naalagaaffeqatigiinnili tamarmi pissutsit ammasumik oqallisiginissaannut pitsaaneruleriartuinnaratta, Hammond oqarpoq.

Odensemi ataatsimiititsinermi inuit 100-t missaanniittut peqataapput, Esbjergimilu 60-it angullugit peqataallutik.

Siuariartornissaq neriuutigineqarpoq

Naalakkersuisunut siulittaasuusimasup maluginiarpaa takkunnit sammineqarniarnerusut tassaasut Kalaallit Nunaanni inuussutissarsiornermut politikki aammalu siuariartornissamik kissaateqarneq.

– Nunatta pitsaasumik siunissaqarnissaa tamatta kissaatigaarput. Kalaallit Nunaanni inuussutissarsiutit pitsaanerusumik ineriartornissaat ataatsimut anguniagaasoq uppernarsarneqaqqippoq.

Sapaatip akunnerani tullermi Siumut Københavnimi Kalaallit Illuutaanni innuttaasunik ataatsimiititsissaaq.

Powered by Labrador CMS