Camp Century

Aleqa Hammond: Pisinnaatitaaffigut Danmarkip unioqqutippai

Danmarki Camp Centurymi mingutsitsineq pillugu nassuiaanerluttoq folketingimi ilaasortaq Aleqa Hammond isumaqarpoq

Aleqa Hammond
Danmarki Camp Centurymi mingutsitsineq pillugu nassuiaanerluttoq folketingimi ilaasortaq Aleqa Hammond isumaqarpoq

- Danmarkip akuerisaanik allat nunatsinni mingutsitsinerat akuerisimaariarlugu inuiaqatigiinnut kalaallinut akisussaaffik milorujunniarsarisinnaanngilaat.

Folketingimi ilaasortaq Aleqa Hammond (A) Danmarki Camp Centurymi nammineq saleeqqullugu piumasaqartoq oqarpoq.

Danmarkip akisussaaffik Nunatsinnut milorujunniarsaraa oqarlutik avatangiisit pillugit akisussaaffik nunatta akisussaaffigilereersimammagu kalaallit akisussaasuussasut akuerineqarsinnaanngilluinnartoq taanna isumaqarpoq.

Atuaruk: Kalaallit Nunaata Danmarkillu akornanni ajornartorsiorneq

Aleqa: Danmarki nassuiaanerluppoq

- Saliinissamut tunngatillugu minguttitsinerullu annertussussaata qanoq inneranik paasiniaatitsissalluni Danmark tamakkiisumik akisussaaffeqarpoq minnerunngitsumillu saliineqarnissaanut akisussaasuulluni. Nunarput ilisimasassat pisariaqartut pillugit toqqortuuffigineqarsimava imaluunniit sooruna Danmark taama suleqatigiuminaanniartigisoq aperisariaqarpunga. Danmark nassuiaatissaalatsivoq, folketingimi ilaasortaq erseqqissaavoq.

Nunarput namminersornermut 2009-mi ikaarsaarnermat Danmarkip inuiaat Kalaallit Naalagaaffiit peqatigiit akuerisaanik Inuiattut akuerisaanerat akuerigaat Aleqa Hammond aamma oqarpoq. Taamaasilluni Danmark ILO-mi aaliangersagaq Nunap Inoqqaavisa pisinnaatitaaffiisa ataqqineqarnerat malittussaavaat tassalu Nunatta inui illersussallugit.

- Pisinnaatitaaffik Danmarkimit ataqqineqanngilaq. Danmarkip kalaallit siumoortumik akuerinngisaanik amerikarmiut nunaminertatsinnik mingutsitsinerat akueraat taakkualu mingutsitsinersuat inuiannut kalaallinut akisussaatinniarsaraat. Sunaana naalagaaffeqatigiinneq peqataaffigigipput?, Aleqa Hammond aperivoq.

Atuaruk: Nunatta Danmark USA-lu Naalagaafiit Peqatigiinnut suliassanngortinniarlugit siorasaarutigigaa

Naalagaaffiit Peqatigiinnukarniarneq taperserpaa

Danmarkip Amerikallu suleqatigiinneris Kalaallit Nunaata innuttasa annertuumik pilliuteqarfigigaat taanna isumaqarpoq.

- Danskit amerikarmiunik ikinnguteqarnerat uatsinnut kusananngeqisumik atugassiivoq: Pinngitsaaliissummik nuutsinerit, qinngornernik ulorianartumik mingutsitsinerit, uuliamik mingutsitsinerit atugaatinneqarput.

Atuaruk: Aaja Camp Century pillugu isumasioqatigiinnermut pakatsisoq

Taamaattumik nunanut allanut naalakkersuisoq Vittus Qujaukitsoq (S) Naalagaaffiit Peqatigiinnut saaffiginninniarnera tapersersorpaa.

- Nunatta tamanna akuerinngilaa. Nunatta Naalagaaffeqatigiit Peqatigiinnut suliakkiuteqarniarnera pissusissamisoorpoq., Aleqa Hammond naggasiivoq.

Camp Centurymi mingutsitsineq pillugu USA-mut suli attaveqartoqanngitsoq

Powered by Labrador CMS