Aleqap atornerluinera
Aleqa Hammond partiimi siulittaasutut tunuarpoq
Siumup partiiani siulersuisut Naalakkersuisunut siulittaasuugallartoq Kim Kielsen tapersersorpaat, partiimi siulittaasuugallartoq Jørgen Wæver Johansen nalunaarpoq
Illuatungiliuttut Naalakkersuisut siulittaasuannik Siumumeersumik Aleqa Hammondimik tatiginninnginnermik taasititsinerat Siumumit Atassummiillu pinngitsoortinneqarpoq. 15-14-mik amerlanerussuteqarlutik taasipput marlunngormat.
Aleqa Hammondip partiia nalunaaruteqarpoq, Siumumi siulittaasutut tunuarsimasoq.
- Partiip Siulersuisuunerisa ullumikkut immikkut ittumik ataatsimiinnerminni ajuusarutigalugu eqqartorpaat partiip siulittaasuata Aleqa Hammondip, partiip siulittaasuatut tunuarniuteqarluni nalunaarutaa, partiimi siulittaasuugallartoq Jørgen Wæver Johansen aamma Naalakkersuisuni siulittaasuugallartoq Kim Kielsen tusagassiutinut nalunaaruteqarput.
Paarlaanerit
Siumumi siulersuisut Aleqa Hammondip siulittaasutut tunuarnera akueraat. Partii immikkut ataatsimeersuannginnerani Jørgen Wæver Johansen siulittaasuugallassaaq, aamma ataatsimeersuartoqarnissaata tungaanut Karl Kristian Kruse politikkikkut siulittaasup tulliatut inissisimagallassaaq.
Siumup partiiani siulersuisut Naalakkersuisunut siulittaasuugallartoq Kim Kielsen tapersersorpaat, partii nalunaarpoq.