Aleqa Hammond Inatsisartunut ilaasortanngoqqittoq

Sinniisut arfineq-marluk Inatsisartunut sassartinneqarput.

Naalakkersuisunut ilaasortat Inatsisartunit sulinngiffeqarnissartik qinnuteqaateqartarnerat ileqquuvoq. Naalakkersuisut siulittaasuat kisimi taama pineq ajorpoq. Tamannalu aamma ullumikkut pivoq, Inatsisartunut ilaasortat arfineq-marluk sulinngiffeqarnissaminnik qinnuteqarput.

Anthon Frederiksen (PN) qinigaanikuunngilaq, taamaammallu sulinngiffeqarnissamik qinnuteqartariaqanngilaq.

Siornatigut saqqumereersutut, Aleqa Hammondip (NQ) maanna Vittus Qujaukitsumut sinniisutut Inatsisartunut ilaasortanngoqqissinnaaneranik isumaqarpoq.

Sinniisut sinneri tassaapput: Jess Svane (S), Jens Danielsen (S), Nikkulaat Jeremiassen (S), Mala Høj Kuko (S), Bentiaraq Ottosen (A) aamma Emanuel Nûko (PN).

Powered by Labrador CMS