Aleqa Hammond inatsimmik uani unioqqutitsivoq

Aleqa Hammondip qinersilernermini qinersereernerminilu assilisimasani Facebookimut saqqummimmagit ajoqquteqarpasinngikkaluarpoq. Qinersiviup iluanimi qinersinini assilivaa.

Inerteqqutaavoq
Kisianni Folketingip inatsisai malillugit unioqqutitsineruvoq, Rigsombudmandimit Jan Bønæs ilisimatitsivoq.

- Qinersinermi qinigaq paasiteqqusaanngilaq. Aamma sunniiniartoqaqqusaanngilaq, Jan Bønæs Sermitsiaq.AG-mut oqarpoq.

Facebook
Politikkerit arlaqartut qinersiviup iluani qinersimasartik assiligaat Facebookimullu ikkussisarnerat takussaavoq. Kisianni ilisimaneqarpallaanngilaq tamanna unioqqutitsinerusoq.

- Inatsit nutaajuvallaanngikkaluartoq, taamaattoq qinersinermi kina taasimanerlugu avammut saqqummiunneqaqqusaanngilaq, nassuiaavoq.

Qinersititsisut
Qinersinermi arlaannik inatsisinik unioqqutitsisoqarsimappat qinersititsisut aalajangissavaat kinguneqartitsisoqassanersoq.

Kinguneqartitsisoqarnavianngitsoq Nuummi qinersivimmi aaqqissuisoq Karno Lynge ilisimatitsivoq.

- Iliuuseqarfigisinnaanngilarput, Karno Lynge oqarpoq.

Nuannaarnini takutikkaa
Aleqa Hammond pisoq pillugu oqaasissaqarpallanngilaq.

- Facebookimut takutikkusuinnarpara nuannaarnera, takutipparalu imminut qinersimanera, Folketingimut qinigassanngortittoq taama oqareerluni oqarasuaat ilivaa.

Aleqa Hammondip assilisaa ataani takuneqarsinnaavoq