Forsyninger
Alapernaarsuisunut Sirius qimmit nutaat
Avannaani aasaq naatsuuvoq, maannakkorpiarlu silaginnera iluatsillugu ilaatigut alapernaarsuisut Sirius qimatulivii immerneqarput nutaanillu qimmilerneqarlutik
Umiarsuaq alapernaarsuut Knud Rasmussen ukiumoortumik alapernaarsuisut Sirius qimatuliviinik ukiussamut pilersuinermi ikiuuppoq.
Atortussat umiarsuaanneqarput soorlu aamarsuit, inuit nerisassaat qimmillu nerukkaatissaat, ikummatissaq, atuagassat allarpassuillu sinerissami illuaqqanut qimatulivinnullu agguaanneqarlutik.
Aamma atuaruk: Qimussimik alapernaarsuisut Sirius ajutoortut
– Illuaqqaniitilluta aserfallatsaaliinerit pisariaqarnerpaat ingerlappavut, ukiup silaanut piareersarlugit, Henrik Manø, umiarsuarmi alapernaarsuummi Knud Rasmussen-imi naalagaq nassuiaavoq.
Ukioq manna pilersuinermi ukiunit siuliinit qaqutigoornerulaartut ilanngunneqarput.
Tassa qimmit arfineq-pingasut ukioq kaajallallugu silamiinnermik sungiussisimasut, taakkualu helikopterip mittarfianiitillugit assartorneqarput, gummibådinullu hangarimut taamaallaat isertinneqarlutik umiasuaq Daneborgimukarluni silarluttumi annaassiniarnermut ilanngutsinneqarmat. Gummibådinut inissiisarfik qulinik kiattoq qimmit nuannarinngilaat, periarfissaqalermallu aniseqqinneqarput.
Taamatut allappoq forsvaret.dk.