Hotel Qaqortoq

Akunnittarfimmi aningaasaliineq: Ullorissat sisamat 25 millionit koruuninik akeqartut

Ataatsimiittarfinnut pitsaanerusunut 25 millionit koruunit sinnerlugit aningaasaliinerup Hotel Qaqortup pikkorissartitsinermut ataatsimiittarfittaava sisamanik ullorissanik pissartitsivoq. Maanna akunnittarfimmi pisortap kiffartuussinermut isumaqatigiissutit aningaasaliinermut naalleraassanngitsut neriuutigaa.

Hotel Qaqortoq
nutarterneqarsimavoq - ingammik ataatsimiittarfinnut tunngatillugu. Hotel Qaqortoq

- Soorunami nuannaarutigaarput, akunnittarfimmi pisortaq Jim Riis, suliaqarfimmi kattuffiup Horestamit sisamanik ulloriannanneq pillugu Sermitsiaq.AG-mut oqarpoq.

Annertuumik akisuumillu alliliineq
Akunnittarfik ininik aralinnik allineqarnissaa pisariaqarsimavoq, ataatsimiittarfiillu atortunik aqquteqanngitsunik atortulersorlugit.

- Nipi, seqertitsivik aamma seqersittaatit nioqqutit pitsaanerpaartaraat. Ataatsimiittarfinnilu aamma silaannarissarfiit pitsanngortippagut, eqqissisimasunullu inissillugit aammalu init eqqaanni kaffinut imermullu ilitsiveqarnissaat qulakkeerlugu, pisortaq nassuiaavoq.

Ukiumut nutaamut iserneq pissanganarsimavoq, Jim Riis ilisimatitsivoq, kiffartuussinermut isumaqatigiissutinik ajornartorsiuteqarnerup akunnittarfiup atorneqannginnerulerneranik kinguneqarsimammat.

- Kiffartuussinermut isumaqatigiissutit allanngorneri pillugit oqallittoqarnikooqaaq, tamatumalu kinguneranik akunnittarfitsinnut apuussinnaanissamik ernumatitsilerluni, akunnittarfimmi pisortaq oqarpoq.

Neriullualeriartorneq malugigaa
Maannakkullu neriulluartoqaleriartornera malugineqarsinnaasoq aammalu siunissamut neriuuteqarluarpoq.

Kujataani akunnittarfik inummut ataatsimoortunik 25-nik initaqarpoq, aqqanilinnillu marluuttarianik initaqarluni aamma qulinik inissiartaqarluni, akunnittarfittaalu sivisuumik sisamanik Horestanik ulloriartarsimavoq.

Powered by Labrador CMS