Grønland i Tivoli 2017
Akunniliisartoq nuannarineqartoq annilaangasarpoq
Ulluunerani saamalluinnartoq. Unnukkut qinigasoq. Quiassuallaqqissoq Carsten Siegstad ukiut qulissaani Kalaallit Nunaat Tivolimi ingerlatitsisuussaaq. Naak isiginnaartitsivimmut qaqinissani qunugisupilussuugaluarlugu
Inuppassuit Kalaallit Nunaat Tivolimi Carsten Siegstadimut tunngatippaat. Allaat ilaasa Mr. Tivolimik taasarpaat. Ukioq manna aggustip aallaqqaataani Kalaallit Nunaat Tivolimip qulissaanik Tivolimi Den store Scenemi ingerlanneqarnissaa aquttussaavaa.
Aviisi AG taama allaaserisaqarpoq.
Suliassaavoq annertooq. Tamatigut. Isiginnaartitsivimmummi qaqinissani qunugisupilussuuaa.
Carsten nalaatsornerinnakkut ingerlatsisunngorpoq. Aaqqissuisut nutaamik ingerlatitsisortaaniarput, Air Greenlandillu timmisartorsuani Airbusimi timminermi nipaa tusaasimavaat. Isumannaallisaanermut videomi titartakkani kalaallisut oqaasertalinni Carsten oqaluttuuvoq.
Aaqqissuisut Carsten inuttut nuannersutut quinartutullu nuannisaqatigiinnermi aliikkusersuinissaminut tunuarsimaanngitsutut ilisarisimareerpaat. Nunarsuarmili naatsiiviit aliikkusiarfiit pisoqaanersaani Carstensenip naatsiivitoqaani isiginnaariat qilanaartut 20.000-ingajaat saanniinnissaq allarluinnaavoq.
- Neqeroorfigineqarnera tupaallaatigaara. Saperparami. Ingerlatitsisuuneq misilissimanngisaannarpara, erngerlungalu Hans Otto Bisgaard arlaleriarluni ingerlatsisuusarsimasoq eqqaavara. Qaa, ilaa, aaqqissuisut kajumissaaripput. Sapernavianngilat, naggataagullu akuersaarpunga, misilinniarpara, Carsten Siegstad siullerpaamik ingerlatsisuugami Maja Motzfeldt Haahrimik sanileqartoq oqarpoq.
Aliikkusersuisuni akunniliisartup nuannarineqartup apersorneqarnera tamaat aviisimi AG-mi atuaruk, taanna uani ataani digitaliusumik atuarsinnaavat: