meeqqanut suliat

Akuliunnermut inatsisissatut siunnersuut kinguartinneqartoq

Martha Lund Olsenip (S) inatsisissatut siunnersuutinik kinguartinniarlugu aalajanerpoq, taassuma kommunit isumaginninnermut ingerlatsinerannik akuliunnissaq periarfissanngortittussaavaa

Ilaqutariinnermut isumaginninnermullu naalakkersuisoq

Inatsisissatut siunnersuut Naalakkersuisut kommunit meeqqanut suliaannut akuliussinnaanerannik periarfissiisussaq maanna kinguartikkallarneqarpoq.

Ammasumik isornartorsiuinerup aamma inatsisissatut siunnersuutip kingunissai nalilersorneqarnissaat tunuliaqutaralugit tamanna pivoq, Ilaqutariinnermut, Naligiissitaanermut Isumaginninnermullu Naalakkersuisoqarfik ilisimatitsivoq.

Suliat amerlasuut
- Pingaaruteqartutut isigaara arlaatigut naammagittaalliortoqarsimatillugu tusaaniarnis-sarput, qinersimavaralu siunnersuutip piviusunngortinniannginnerani inatsisilerituunnit kikkunnulluunniit attuumassuteqanngitsunut misissortilluaqqissaassallugu, Martha Lund Olsen (S) tallimanngornermi tusagassiuutinut nalunaarummi oqarpoq.

2015-ip ingerlanerani isumaginninnikkut nakkutilliisitat kommunit ingerlatsiveqarfiinik misissuiartortarsimanerminni ingammik meeqqat inuusuttuaqqallu sumiginnakkat pillugit annertuumik qarsupittumik suliariniarneqartarsimasunik toraagaqartarsimapput.

Atuaruk: Meeqqanut suliassani kusanaatsuliortoqarnissaa inatsisip nutaap pinngitsoortissavaa

Lund Olsenip inatsisissatut siunnersuutaa isornartorsiorneqarlunilu nersualaarneqartoq aqqutigalugu, 'paasisani pissusissamisuunngilluinnartunik' toraagaqartarsimaneq toqqammavigalugu akulerussinnaasalernissamut qisuariataavoq, assersuutigalugu isumaginninnermut aamma atornerluinernik suliat katersuuttut.

Naalakkersuisut iliuuseqarnissaannut inatsisip nutaap periarfissagissaarnerunissaannut eqqarsaataagaluarpoq.

Misissuisoqalersoq
- Taamaattorli isumaqarlunga pissusissamisoortoq kommunini nakkutilliiartortarnitsinni paasigaanngatsigu pisariaqartoq kommunit isumaginninnikkut sumiginnaasimanerat toqqammavigalugu immikkut iliuuseqaateqartoqarnissaanik iliuuseqapallassinnaasarnissamut periarfissinneqartariaqartugut, Martha Lund Olsen ullumi oqarpoq.

Ilaqutariinnermut, Naligiissitaanermut Isumaginninnermullu Naalakkersuisoqarfiup piaartumik inatsisilerituut sumulluunniit attuumassuteqanngitsut siunnersuutaasimasoq pillugu nalilersuitinniarpai.

Atuaruk: Isornartorsiuineq: Siumup siunnersuutaa Dansk Folkepartimut eqqaanartoq

Siunertaavoq isumaginninnikkut ingerlatsineq aaqqissuussaanerlu pillugit inatsimmut allannguutissatut siunnersuutit tamatuma kinguninnguatigut Inatsisartunut oqaluuserisassanngortinneqarsinnaajumaartut.

Atuaruk: Meeqqat pillugit siunnersuut MIO-mit tapersersorneqarpoq

Powered by Labrador CMS