Friday, February 17, 2017 - 12:24

Akoorutissat aniasimanerisa kingorna politiit qimagussortitsisut

Assi.: Søren Duran Duus
Illoqarfiit pingaarnersaanni mittarfiup aqqutaani politiit qimagussortitsipput

Tallimanngornermi ullaap tungaani Nuummi politiit LNS Greenland Gemsimit akoorutissat (kemikalier) anianerannik nalunaarfigineqarput.

Taamaammat politiit Nuummi Nukappiapiluup tungaani qimagussortitsipput.

- Tassunga atatillugu Sermersuumi Politiit innuttaasunut erseqqissaatigissavaat mittarfiup tungaanut aqqut, Siaqqinneq, Ilimmarfimmiit jerndumpikup tungaanut isaaffissap tungaanut matuaat, tassa imaappoq Siaqqinneq aqqutigalugu mittarfiliartoqarsinnaanngitsoq. Taamaattumik Qinngutsinnut aqqut aqqutigalugu mittarfiliartoqartassaaq, politiit Facebookimi quppernerminni allapput.

Taamaattumik angallattut allat aqqut atoqqunagu qinnuigineqarput, tamanna aqqut upalungaarsimasut qamutaannut piareersimatinneqassammat.

Seneste nyheder / Nutaarsiassat kingulliit