aningaasaqarneq
Akitsuutinik nutaanik eqqussilersut
Anda Uldumip innuttaasut ingerlatsinermi aningaasartuutinut akileeqataanerusariaqarnerat erseqqissaatigaa. Tamanna naalakkersuisut aningaasanut inatsisissatut siunnersuutaanni takuneqarsinnaassaaq
Innuttaasut 2016-imi aningaasanik amerlanernik aallerfigineqassapput.
Naalakkersuisulli tamatuma paarlattuanik sanaartugassanut amerlanernik aningaasaliissuteqassapput, sanaartornerlu inuussutissarsiutitigut ineriartortitsinermut sukkatsisaaqataassasoq Naalakkersuisut naatsorsuutigaat.
- Oqarsinnaavunga ukiakkut ataatsimiinnermi akitsuutinik ataatsimoortumik saqqummiussiniaratta. Kisianni akitsuutit sorpiaanissaat maannangaaq sukumiisumik paasissutissiissutigisinnaanngilakka, Aningaasaqarnermut Naalakkersuisoq Anda Uldum, Nalakkersuisut aningaasanut inatsisissatut siunnersuutaata saqqummiunneqarnissaa sioqqullugu, oqarpoq.
- Innuttaasut nalinginnaasut aningaasanik amerlanernik aallerfiginiarpisigik?
- Oqareernittut akitsuutinut atatillugu immikkuualuttut maannamuugallartut oqaatigisinnaanngilakka. Oqaannarsinnaavungali ingerlatsinermi aningaasartuutinut kikkut tamarmik akileeqataasalissammata, Anda Uldum oqarpoq, ilanngullugulu oqaatigalugu Naalakkersuisut naatsorsuutit oqimaaqatigiinnissaannik kissaateqartut.
Aningaasaqarnermut naalakkersuisup oqaatigisai allat aviisimi AG-mi atuarneqarsinnaapput. Aviisi ataani pisiariuk: