nipilersornermik festivali
Akisuanerit Festivalimi nipilersortussat saqqummiunneqarput
Nuummi Akisuanerit Festivaleqalerpat nipilersortartut nunanit allaneersut ilaatigut tusarnaartitsissapput, soorlu Dizzy Mizz Lizzy aamma Dr. Alban
1990-ikkunni rockertartunik nuannarisaqaruit qilanaarutissaqassaatit. Tassami danskit nipilersortartut Dizzy Mizz Lizzy Atlantic Musicip festivalertitsinerani tusarnaartitsisussanngorput.
Atlantic Musicip nittartagaani taanna atuarneqarsinnaavoq.
Tunisaqarluartareersut
Akisuanerit Festivalimi kalaaliinnarnik nipilersortoqartaraluarpoq, nunaniilli allanit ukioq manna tusarnaartitsisoqassaaq. Dizzy Mizz Lizzy danskit rockertartuini nuutinik tunisaqarnerpaapput 1994-mi saqqummermatali. Tassami nuutit 250.000-tit tunineqartareerput.
Nuannersut allat aamma tusarnaartitsissapput
Nuummi festivalertoqarnerani ilaatigut uku aamma tusarnaartitsissapput: Dr. Alban, Mariina, Nuuk Posse, Pilu Lynge aamma Hans Jukku Show.