Akisuanerit Festivalertoqarnerani nuannarineqarluartut tusarnaartitsissapput

Nuummi Qaqortumilu Akisuanerit Festivalertoqarnerani inuit nuannisassamaarpasipput.

Atlantic Music, Katuaq aamma Qaqortumi ivigaasanik arsaattarfik suleqatigiinneratigut festivalertitsisoqassaaq oktobarip pingajuanit ullunilu marlunni tulliuttuni.

Kalaallit nipilersortartut tusarnaartitsissapput Katuami Qaqortullu timersortarfiani. Arfineq pingajussaa tusarnaartitsinermik festivalertoqassaaq, tamanna pisinnaalerpoq aningaasaliisut amerlisimanerisigut.

Tallimanngorneq oktobarip pingajuat:
Nuummi Katuami: Rappertartoq Maasi, Asuki, Zikaza kiisalu Sussat

Qaqortumi timersortarfimmi: Rikka aamma Ole Kristiansen

Arfininngorneq oktobarip sisamaat:
Nuummi Katuami: Qarsoq, Naneruaq, Ulf Fleishcer Paarisa Bandilu tusarnaaartitseqatigiissapput kisalu Ole Kristiansen

Sapaat oktobarip tallimaat:
Nuummi Katuami: Hinnarik Frederik Elsnerilu ilaqutariinnut tusarnaartitsissapput. Iserneq akeqanngilaq