Akissarsiffinni imigassartornerit annikillineqartariaqartut politiinit kaammattuutigineqarpoq

Sapaatip akunnera 18 imigassartorfiunnginnissaa anguniarlugu suliffeqarfiit, suliniaqatigiiffiit akisussaasullu assigiinngitsut arlalinnik suliniuteqarput.

Taamaakkaluartorli sapaatip akunnera imigassartorfiunnginnissaa saqqumilaartinneqaraluartoq politiit annertuumik suliaqarput.

Politeeq Søren Bendtsen ilaatigut ima oqaluttuarpoq.

'Upernariartulernerani inuunerinnissaq pillugu assigiinngitsunik suliaqartoqarpoq. Neriuutigigaluarparpullu akissarsiffiit nalaanni imigassartungaatsiartarnerit annikillineqassasut. Imigassartornerit kiisalu kisitsisit eqqarsarsarnarsinnaasut ataatsimoortutut ipput.

Assigiinngitsunik illoqarfinni pisoqartarpoq politiit ornigukkasuartariaqartarlutik imigassartortoqarsimanera pissutaalluni. Imigassartoreernermilu kingorna aqagulunnerup piliaanik assigiinngitsunik utoqqatsissussat saqqummertarput. Suliffinnit napparsimasuusaassanerpunga? Meeqqakka taamatut perorsassavakka? Imigassartorsimanera taama nuannertigaa? Tamakku eqqarsaatigineqartariaqaraluarput.

Allannguinissamik eqqarsaraanni piumassuseqartariaqarpoq, namminerlu suliareqqaarnissaq pingaaruteqarluni.

Neriuutaavoq inuit inuunerittuunissaq toqqassagaat.

Assigiinngitsunimmi suliniuteqartoqartarpoq, soorlu pisiniarfiit ilaat imigassanik ussassaarutit sapaatip akunnerani 18-mi takutitassiarinngikkaat. Ikiuisarnitsinnut qujassuteqartartut qujaffigerusuppagut, inunnik atorfissaqartitsisunik suliaqartuugatta.