Akileraartarneq
Akileraarusiineq pillugu inatsisissap allanngortinneranut nangaassuteqarneq
Nunani allani soraarnerussutisinissamut aningaasaateqarfinnut akiliinerit akileraarusertalernissaannik inatsisissatut siunnersuutip allanngortinnera kattuffiit akuersaanngilaat taamaattumillu partiit arlaqartut aamma unikaallatsitsipput
Naalakkersuisut siunnersuutigaat 2017-miit nunani allani soraarnerussutisiaqalernissamut aningaasaateqarfinnut akiliinerit akileraaruserneqartalissasut.
Isertitanut akileraarutit pillugit inatsisissatut siunnersuutip allanngortinneqarnera ataasinngornermi apriilip 11-ani Inatsisartunut saqqummiunneqarpoq.
Siunertaa isumaqatigiissutigineqartoq
Oqaluuserineqangaarnanilu inatsisissatut siunnersuut Akileraartarnermut Aningaasaqarnermullu Ataatsimiititaliamut ingerlateqqinneqarpoq partiinit tamanit attaviitsumillu Naaja Nathanielsenimit kissaatigineqarluni ataatsimiititaliami sukumiisumik suliarineqassasoq.
Partiip illuatungiliuttup Inuit Ataqatigiit inatsisissatut siunnersuutip siunertaa anguniakkallu isumaqatigalugit oqaatigaa inatsisissatulli siunnersuutip taamatut isikkorarluni akuersissutiginissaa peqataaffiginiarnagu.
Annaaneqarnissaat ernummatigineqartoq
- Kattuffiit IMAK, AK, PPK, Sulisitsisut allarpassuillu tusarniaanermi peqataasimapput, maluginiagassaavorlu tusarniaanerni akissutini amerlanerpaani siunnersuut tamakkiisumik isumaqatigineqanngitsoq, Inuit Ataqatigiit sinnerlugit Inatsisartunut ilaasortaq Peter Olsen Sermitsiamut oqarpoq.
Atuaruk: Ukiuni pingasuni akissarsiat akileraarutaat nikisinnianngikkaat
- Tamatumanili annermik pineqarpoq inatsisissatut siunnersuut aqqutigalugu ilaasortat annertuumik soraarnerussutisiaqalernermi pisassartik annaasinnaagaat ernummatigineqarlunilu annilaanngatigineqarmat. Ajornerpaamik pisoqassappat ilinniartitsisup ataatsip 1 million koruunit missaat annaasinnaavai aaqqissuussineq una atuutilissappat, Inatsisartunut ilaasortaq oqarpoq.
Allaaserisap sinnera sapaatip-akunnerani Sermitsiami saqqummertumi atuaruk