nikassaaneq
Akileraartarnermut ministerip oqaaseqarnini utoqqatsissutigaa
Qallunaat akileraartarnermut ministeriata Kristian Lauritzenip, kalaallimik pisinermik oqariartuuteqarnini maanna utoqqatsissutigaa. Taassuma siornatigut 'eskimotæsk' oqaaseq atornikuuaa
- Kalaallimimmi pisinikuuvugut. Akileraartarnermut ministeri Karsten Lauritzen (V) Dagbladet Holstebro Struer naapertorlugu, ukiortaami ilassinninnermi taama oqarsimavoq.
Oqaaseqarnerup kingorna arlalinnit issuarneqareersorlu, ministerip sianisaanngitsumik oqaasertaliornertut tamanna maanna oqaatigaa.
- Soorunami pisiarineqartoqaranilu tunisisoqanngilaq. Inatsisartut suliaannut tunngasumut suliaq ilisimaneqartoq tassani pineqarpoq, Karsten Lauritzen (V) Ritzauimut taama allagaqarluni oqaaseqarpoq.
Arlaat annermik neqeruussanngitsoq neriuutigigaa
Karsten Lauritzenip qallunaat naalakkersuisuisa Aleqa Hammondimut isumaqatigiissutigisaat uani oqaluuseraa, taanna apeqqutini aalajagniisuni naalakkersuisut akerlilerlugit taasinnginnissaanik aamma Nunarput pillugu ataatsimiititaliami siulittaasunngorneranik isumaqarpoq.
Pisinermilli oqaaseqarneq oqartoornerinnaanngilaq, tassami Dagbladet Holstebro Struer naapertorlugu kingorna ima oqarpoq:
- Piffissami allami annermik akiliiumasoqassanngitsoq neriuutigiinnartariaqassavarput.
Kisianni maanna uggualerpoq.
- Soorunami sianisaangitsumik oqartussaanngikkaluarpunga. Narrujuummisoqarsimassappat utoqqatserpunga. Tamanna siunertarinngilara, Ritzauimut allappoq.
Atuaruk: "Eskimuut unataanerat" politikerip alutorigaa
'Eskimuut unataanerat'
Kalaallit pillugit oqaaseqarluni Kristian Lauritzen aatsaat siullermeerluni tupaallatsitsinngilaq.
Kalaallit ikiaroornartuerniartartut aanngajaarniutinik sakkortuunik tuniniaatitsinaveersaartartut, taassuma aviisimi Metroexpessimi 2012-mi nassuiaateqarnermini oqaluuseraa.
Nassuiaat taanna Metroexpressip nittartagaani nassaassaanngilaq.