Tuesday, February 13, 2018 - 12:40

Akileraartarnermut Aqutsisoqarfiup Bitcoin persaraa

Assi.: AP Photo/Mark Lennihan/Assi.: File)
Bitcoinip aamma Bitclub networkimik atuisut akileraartarnissaar Akileraarnermut Aqutsisoqarfimmit ilitsersuummi saqqummiuppaa

Bitcoiniuteqarnermi akileraartarnissaq pillugu Akileraartarnermut Aqutsisoqarfik nassuiaassivoq.

USA-mit aalajangiussaq
Bitcoin assingusullu aningaasat (valuta) imaluunnit aningaasat paasiuminaallisakkat (kryptovaluta) assigiissutaat tassaavoq naalagaaffiup aningaaserivianut arlaannaannulluunniit attuumassuteqannginnerat.

- Taamaattumillu aningaasat pillugit politikkit nalikilliartortoqassagaluarpat ikiorsiisinnaanatik. Bitcoin qarasaasiatigut toqqorsivinni siammartikkani toqqortaatigineqartarput, taamatullu toqqorterineq blockchain-imik taaguuteqarpoq. Bitcoin aningaasaliissutitut akiliissutitulluuniit pisiarineqarsinnaavoq aamma qarasaasiakkut aamma qarasaa-siakkuunngitsumik nioqqutinik sullissinernillu atorneqarsinnaavoq, Akileraartarnermut Aqutsisoqarfik nittartakkami allappoq.

- Valuta ataatsimut nalinginnaasumut taarsiullugit Bitcoinit atorlugit aningaasat nalinginik iliuuseqarnerit naalagaaffiup aningaaseriviani valutatut isigineqarput naatsorsorneqartarlutillu. Assersuutigalugu bitcoininik akissarsititsisoqarpat taakku akileraarutigineqartussaapput. Taamaammat sulisitsisoq tunngaviatigut Danske kronit atorlugit nalunaaruteqartassaaq, taamatuttaaq innuttaasup nammineerluni nalunaarsugassaani tamanna atuuppoq, nassuiaammi allaqqavoq.

Pyramidespil
Bitclub Network Kalaallit Nunaanni siammarsimanera Akileraartarnermut Aqutsisoqarfiup ilisimavaa. Tassunga atatillugu Akileraartarnermut Aqutsisoqarfik aningaasanoorutinut oqartussanut paasiniaavoq Bitclub Network aningaasanoorutit aalajangersimasut pillugit Kalaallit Nunaannut inatsimmi § 11 naapertorlugu pyramidespilliunersoq, tassa aalajangersimasumik tuniniaanissamut aaqqissuussaanersoq. Taamaammat tamanna pillugu allanik apeqqutit aningaasanoorutinut oqartussanut nassiuteqquneqarput, Akileraarnermut Aqutsisoqarfik allappoq.

Ilitsersuut uani takuuk

Seneste nyheder / Nutaarsiassat kingulliit