Akileraartarnermut aqutsisoqarfik tillinniarfigitittoq

Inuit arlallit akileraartarnermut aqutsisoqarfiup Nuummi allaffeqarfiata ilarujussua tukassarsimavaat. Pasineqartoq ataaseq tigusarineqarpoq tigummigallarneqarlunilu.

Tillinniarneq sisamanngornermi ullaakkut politiinut nalunaarutigineqarpoq unnuap ingerlanerani tillinniartoqarsimasoq paasineqarmat. Inuit arlaliusimannguatsiartut allaffeqarfik annertooq tukassarsimavaat.

Politiit tillinniarfiusuni uppernarsaatissanik qulakkeerinermut immikkut ilinniarsimasut allaffeqarfimmi annertuumi misissuipput. Inuk ataaseq tallimanngornermi tigusarineqarpoq Sermersuumilu eqqartuussisimmut sassartinneqarami tigummigallagassanngortinneqarpoq.

Pisimasut politiit suli paasiniaaffigaat.