Akersuukkunnaarneq

Sulisitsisut Peqatigiiffiata pisortaanera Brian Buus Pedersen siulersuisunilu siulittaasoq Henrik Leth siuttoralugit Royal Greenlandip pilersaarutai nutaat paatsuugassutigisimavaat, taakku isumaqarsimangaluarput inuiaqatigiit aningaasarsiornerinut assut eqqarsarnartuliorsimasoq aamma inuussutissarsiornikkut eqquinerlussasoq.

Hammeken erseqqissaasoq

Sulisitsisut Peqatigiiffiata isornartorsiunerat pillugu Verner Hammeken juulip ulluisa arfineq aappaani pilersaarutit nutaat umiarsuarmik containerimik assartuummik pisineq aammalu Aalborgimi umiarsualiviup atorunnaarlugu Aarhusi atornialeranut illersorlugit nassuiaateqarpoq.

- Allanngortitserinissaq pisariaqarluinnarpoq, umiarsuaateqarfiup pisortaanera aviisimut ilanngutassiamini pilersaarutini illersorlugit allappoq.

Tallimanngormallu Sulisitsisut Peqatigiiffiani pisortaanerup Brian Buus Pedersenip oqaloqatigiinnissamik kaammatuivoq. Qaaqqusinerli Verner Hammekenip akueraa, taakkuli ataasinngornermi nal. 17.00 oqaloqatigiipput, misissuisoqarnissaalu isumaqatigiissutigalugu.

Aamma atuaruk: Sulisitsisut Royal Arctic Linemut sakkortuumik isornartorsiuisut

- Royal Arctic Line pitsaasumik oqaloqatigaarput, pisortaaneq Brian Buus Pedersen paasissutissiivoq, oqaluttuaraalu oqaloqatigiinnerit ingerlateqqissallugit isumaqatigiissimallutik. Aggustillu qaammataani Royal Arctic Linemi atuisut piumasaat pilersaarutaannulli ernumassutaat pillugit pilersarusiorluarnerit ingerlanneqassallutik.

Soqutigisaqatigiit

- Soqutigisaqatigiippugut, tassalu pitsaasumik suleqatigiittoqarnissaa, Brian Buus Pedersen oqarpoq, taassuma misissuinermi umiarsuaateqarfiup isumaminik allannguisinnaanera eqqoriarusunngilaa.

Aamma atuaruk: Royal Arctic Linemi continerit 88-it kukkussutigineqartut