Aningaasanut inatsit

Akerliliineq annertuallaartoq: Akitsuusersuinissat tunuarsimaartinneqarput

Ikummatissamik, neqinik, mamakujuttunik, tupanik aamma imigassanik akitsuusersuinissamut Anda Uldum naalakkersuisooqatigiinni annertuallaamik isumaqatigiinnginnermik nalaataqarpoq

Anda Uldum aningaasanut inatsisissatut siunnersuut aasaanerani saqqummiuppaa

Akitsuutinut annertunerulersitsinissamut akerliusut ullumikkumiit eqqissiallassinnaanngorput. Tassami aningaasaqarnermut naalakkersuisup, Anda Uldumip, pisiassanut arlalinnut akitsuusersuinissaa taamaatinneqarpoq.

Maannakkumuugallartoq.

Uldum KNR-imut nassuiaavoq - itisiliinani - tulliani akitsuutinik politikkikkut oqaluuserisassanngortitsileruni naalakkersuisooqatigiit tamaasa isumaqatigiissuteqarfiginiarlugit.

KNR-imi atuaruk: Akitsuutissatut siunnersuutit Uldumimit tunuartinneqarput

Inatsimmik allannguutissatut siunnersuut qaqutigut taama akerliuffigineqartarpoq. Ukiuaanerani ataatsimiinneq suli aallartinngitsoq, naalakkersuisooqatigiit tunuliaqutaat arlallit akerliullutik suaaruteqarput.

Nunatta karsianut akisussaasuunerpaap Demokraatineersup sapaatip akunnerani kingullermi akitsuutinut siunnersuutini aalajangiusimagaluarpaa.

Atuaruk: Akitsuutinik qaffaanissaq Anda Uldumip aalajangiusimavaa

Aamma takukkit:

Siumup immikkoortortaqarfia akitsuutinut akerliliivoq

Atassut: Akitsuutinik qaffaaneq tamanut naapertuutissaaq

Powered by Labrador CMS