pilluarit
Aka Høegh 70-iliivoq
Naak inunngornermut allagartaq 1947-mik allaqqagaluartoq, nunatsinni eqqumiitsuliortut maanna inuusut annersarigunagaata qalipaasiutit sakkullu unitsinnianngilai. Akunnaatsuliinerani AG-p taanna ilisaritippaa.
Aka Høegh arfininngorpat 70-iliissaaq. Naak qangali ukiut soraarninngorfissat qangali qaangereeraluarlugit, eqqumiitsuliornerup suli ingerlatippaa.
- Naammaginnilersinnaanngilanga. Kisianni imaasinnaavoq ullut arlaanni torrallaasunga. Neriuppunga 90-liitinnanga tamanna piumaartoq.
Aka Høeghip eqqumiitsualiani qamanerpiaq takkullutik atortussanik suleqateqarluni pilersarnersut, aamma pinngortitamiit nukik misigisani ilanngutitinneqartarnersoq nassuiarpaa. Assersuutigalugu ujarak atorlugu qiperuissaguni, taava siullermik ujarak aserorniarlugu nunamut igittarpaa. Taamaalilluni takulluarnerusinnaasarpaa, ujaqqamiit suna ”anerusunnersoq”.
- Namminerisamik eqqumiitsuliakka pilertarput – soorlu uagut angajoqqaavut taakkulu qajaat. Qajaqarsimanngitsuuppat inuuginnarsimanavianngikkaluarpugut – aamma uumasunik aarnguanillu pinnersarneqartarput. Eqqumiitsuliat ilagalugit piniakkat malinneqartarput. Tamannalu tupinnaannartutut isigiuartarsimavara, taanna oqarpoq.
Akap angajoqqaavisa niviarsiaqqap pilersitserusunnermik soqutigisaqarnera qiimmassarpaat, aamma immikkut piginnaaneqartoq erseqqissivoq. Eqqumiitsuliortorsuit, Jens Rosing aamma Hans Lynge, angerlarsimaffiannut pulaartarput, aamma niviarsiaqqap piginnaaneqarnera ilisarisinnaavaat. Jens Rosingi aqerluusanik pappilissanillu Akamut nassiussisarpoq, taamaalu eqqumiitsuliornermik ingerlatsiinnarnissaanik kajumissaartarlugu.
Meeraanerminiilli naak pikkoriffeqarnera ersarikkaluartoq, Grønlandsministeriap Københavnimi eqqumiitsuliortut ilinniarfiani ilinniarnissaanut tapeerusunngilaq.
- Itigartinneqarpunga, tassami eqqumiitsuliorneq ilinniavinnerunngilaq.
Taarsiullugu taperneqarsinnaammat peqqissaasutut ilinniarluni aallartippoq, kisianni erniinnaq taamaatippoq.
Oqartoqartarneratut sinnera oqaluttuassaannaavoq. Oqaluttuaq tamanna AG-mi atuarneqarsinnaavoq, tassanilu aamma Aka Høeghip suliai annertuut ilaat takuneqarsinnaapput. Uani ataani linki tooriarlugu aviisi pisiarineqarsinnaavoq.