Royal Arctic Line

Ajutooqqinneq: Qerisut containeriniittut aassimasut

Aalborgip umiarsualiviani teknikkikkut ajutoorneq pissutigalugu containerimiittut qerisut 43-ut atorsinnaajunnaarput.

I Aalborg glemte man at sætte strøm til en frysecontainer. Og godset er ødelagt.

Umiarsuit kinguaattoortut, qarasaasiatigut ajornartorsiutit containerinillu kukkusumik suliaqarnerit Royal Arctic Linep ulluinnarsiutigai. Massakkulli paasivaa containeri qerititsiviusoq kukkusumik suliarisimallugu, tamannalu atuisartunut arlalippassuarnut annertuumik kalluaassaaq.

Containeri qerititsiviusoq innaallagiaqanngitsoq

- Aalborgip umiarsualiviani nakkutiginninnermut atortorissaarutit teknikkikkut ajutoorsimanerat pissutigalugu containeri qerisunik nassiussallu allagartaannik 43-nik imaqartoq ajoraluartumik sivisuallaamik innaallagissamut attaveqarsimannginnera pissutigalugu atorsinnaajunnaarsimapput, umiarsuaateqarfik nittartakkamini paasissutissiivoq.

Umiarsuaateqarfiup paasissutissiaraa, kukkusoqaqqinnginnissaa pinaveersaarniarlugu aaqqiissuteqarsimallutik.

Qaammatit arlaqanngitsut qaangiupput taamatut kukkusoqarmat, tamannalu Danmarkimi atuisartunut annertuumik kingunerluuteqarsimavoq.

Aamma atuaruk: Royal Arctic Linep ajutoorneq pillugu: ''Ajutoorneq ajussusia''

Taamani Aalborgip umiarsualiviani containeri qerititsivik kallerunnerup inneranut attavilerniarlugu puiorneqarsimanera pissutigalugu kalaalimernit 2 tonsit sinnillit asiutinneqarsimapput.

Uggornangaatsiartoq

Assut uggornarsimaqaaq, kalaalimernimmi juunip ulluisa 21-anni inuiattut ullorsiorfimmi iluatassutaasussaangaluarput.

- Umiarsuaatileqatigiiffiup kukkuneq ajuusaarutigaa, Royal Arctic Line pisumut kingullermut tunngatillugu allappoq.

Umiarsuaatileqatigiiffiup sullitat eqqugaasut umiarsuaatileqatigiiffimmit attavigineqarsimanngitsut, oqarasuaammut uunga attaveqarsinnaasut tikkuuppai: +45 99 30 32 06.

Powered by Labrador CMS