isumaqatigiissutit
Ajunngitsorsiassiinerit utoqqalinersiaqarluartitsisinnaasut
Soraarninngornermi immikkut pissarsiaqartitsisoqartarpoq qaffasissuni atorfeqartut atorfilittaat assingusumik atorfeqalersinnaaniassammata. Kisianni Namminersorlutik Oqartussani ajunngitsorsiassinneqarnikut suliffittaarluarsinnaapput
Aningaasarsiakkaajupput sivisuumillu ilinniagaqarnikuullutik. Namminersorlutik Oqartussani qaffasissumik atorfillit piffissami sulereernermi kingorna atorfimminnit tunuartut aningaasarpassuarnik ajunngitsorsiassinneqartarput. Svend Hardenberg Naalakkersuisut siulittaasuata Naalakkersuisoqarfiani pisortatut qaammatini 18-ni atorfeqareerluni tunuartinneqarami ajunngitsorsiassinneqarpoq.
Taamaalisoqartarnera nassuiaatissaqarluartoq Aarhus Universitetimit Natalie Videbæk Munkholm oqarpoq:
- Qaffasissumik atorfillit ajunngitsorsiassinneqartarput naatsorsuutigineqartarmat assingusumik atorfittaaqqissinnaanngitsut. Taamaattumik ajunngitsorsiassat tunniunneqartut ileqqaarutitut isigineqartarput. Aamma sullissisussaatitaasut ajunngitsorsiassanik neqerooruteqartarput pitsaasunik qaffasissunik ilinniagaqarsimasunik atorfinititsisinnaaniassagamik.
Kisianni pisortatut atorfeqarsimasut ilaat suliffittaaqqipallattarput. Soorlu Andreas Salmony, atorfimminit tunuareernermi kingorna eqqartuussissuserisutut atorfeqalerpoq.
Ilaqutariinnut, naligiissitaanermut naligiissitaanermullu Naalakkersuisoqarfimmi pisortaasimasoq Susie Marthin Kjeldsen Linkediniani takuneqarsinnaavoq aatsaat siusinnerusukkut suliffissarsiulerumaartoq maannakkullu piffissami sivisuumi angalasoq takuneqarsinnaalluni.
Aningaasaliinerit
Ajunngitsorsiassat pitsaasunut aningaasaliinernut atoraanni utoqqalinersiuteqarluartoqarsinnaavoq. Siunnersuisartoq Henrik Kragelund oqarpoq.
- Assersuutigalug 43-nik ukiulik 600.000 koruuniuteqaruni aktianik pisisinnaavoq, ukiullu 20-t qaangiunneranni 1,3 million koruunit tigusinnaalissavai. Eqqarsarluarnikkut iliuuseqartoqarsinnaavoq, ilaatigut aningaasaatigineqartut marloriaatinngorlugit naleqalersinnaallutik.
Aningaasaliisut aningaasaateqarluarnissaat iluaqutaasinnaasoq oqaatigaa.
- Aningaasaliissutigineqarsimasut nalingat annikilligaluarpataluunniit tunuartiinnarsinnaaneq ajorput, aningaasaateqarluartartuuppummi. Aningaasaateqarluartut aningaasaliissutigisimasaminnik tunuarteraangata ajornartorsiulersinnaasarputm kisianni aamma aningaasaateqarluarnertik pissutigalugu allanik pisiortuisinnaasarlutik.
Aningaasaqarnermut naalakkersuisoq Anda Uldum Sermitsiaq.AG-mit tallimanngorpat apersorneqassaaq.