CPX SAR 2014
Ajunaartitsisuusaarluni sungiusarneq: Umiarsuit marluk aporput
Sakkutuut ajunaartitsisuusaarluni sungiusarnerat ’CPX SAR 2014’ Nuummi sapaatip akunnerani uani sungiusarput
Sakkutuut, Kalaallit Nunaanni politiit kiisalu Upalungaarsimanermut Ataatsimiititaliaq ajunaartitsisuusaarneq ’CPX SAR 2014’ ataasinngornermi aallartippoq sisamanngorpat tungaanut ingerlanneqassalluni.
Sungiusarneq allaffimmi ingerlanneqarpoq. Ajunaartitsisuusaarneq allaffimmit qanoq ingerlanneqassanersoq sungiusarneqarpoq, tassani Sakkutuut, politiit, napparsimaveqarfik, Namminersorlutik Oqartussat, Upalungaarsimanermut Ataatsimiititaliaq kiisalu ajunaarnersuaqarnerani suleqataasussat qanoq attaveqaqatigiissanersut sungiusarneqarluni.
- Sungiusarnermi umiarsuaq takornariartaat kiisalu umiarsuaq containerinik angallassisoq aportittuusaarpagut Cookip qeqertaasa eqqaanni sømilip 4-p missaani, Issittumi Sakkutuut attaveqaqatigiinnermut pisortaat Thomas Bruun de Neergaard Sermtsiaq.AG-mut oqarpoq.