tunissuteqarneq
Ajunaarnersuarmut eqqugaasunut Islandimit tunissuteqarneq annertooq
Nuugaatsiami ajunaarnersuarmut eqqugaasut Islandimiut suli puigunngilaat. Islandimi kommunit 74-iusut tamarmik maanna eqqugaasunut aningaasanik tunissuteqarput.
Annonse
Kajumissutsimik suliniuteqartut katersuiniarnermik aaqqissuisuupput, maannalu islandimiut aningaasaataat 40 millionit missaat, tassani danskit koruuninngorlugit 2,5 millionit katersorsimavaat.
Katersuiniarnermi kajumissutsiminnik suliaqartut ilaatigut tassaapput, skakkertartut peqatigiiffiat Hrókurinn aamma Islandip Kalaallit Nunaata akornanni ikinngutigiinnermut peqatigiiffik, Kalak.