Ajunaarnersuarmit ilisimasagut

Uummannap sulluani pisunut paasissutissat pingaarnerit:

• Nuutgaatsiaminngaanneersut sisamat, angajoqqaat, meeraat utoqqarlu suli maqaasineqarput. Taakku ajunaarsimanissaat ilimagineqarpoq.
• Sikorsuit, pujoq nunallu sisooqqissinnaanera pissutigalugit, maqaasineqartut aqqartartunit ujaarineqarnissaat ajornakusoortinneqarpoq.
• Nuugaatsiami illut aqqanillit aseruissimapput. Arlallit imaanut amuneqarsimallutik.
• Malissuaq nunap sisoorneranit pilersinneqarsimavoq, tassani nunap ilaa 1000 x 300 meterisut annertutigisoq Karrat Qaqqaanit sisoorsimalluni.
• Nunap sisoornera sumit pilersinneqarsimanersoq ujarassiuut suli oqaatigisinnaanngilaat.
• Ataatsimut isigalugu inuit 190-it Nuugaatsiamit, Illorsuarnit, Niaqornaniillu oqartussanit qimarngunneqarsimapput. Inuillu naapeqatigiittarfiini 400-ut missaaniinnerangaasut ilumuunngillat.
• Qimarngunneqartut Uummannamiillutillu Aasianniipput.
• Nunaqarfinni innuttaasut Uummannamut qimarngunneqarsimanngitsut 20-it missaanniittut umiatsiaminnit nunaqarfitsik qimassimavaat. Taakku Qeqertarsuup Tunuanukarsimapput.
• Nunap sisooqqinneranit malissuarmik pilersitsisoqaqqinnissaa oqartussat ernummatigaat. Qaquguli tamanna pissanersoq oqaatigiuminaappoq.
• Taamaammallu qimarngussineq qanoq sivisutigisumik atuutsinnneqassanersoq oqaatigineqarsinnaanani.
• Qaqqarsuaq sisooqqilissangaluarpat iliuuseqapallakkumallutik oqartussanit alapernaarsorneqarpoq. Tamanna umiarsuarmit timmisartumiillu ingerlanneqarpoq.
• Saattuni, Ukkusissani, Ikerasanni Qaarsunnilu innuttaasut qimarngunneqarsimannginnerat navianassutsimik naliliilluaqqissarnermit aalajangerneqarpoq. Taamaattoq nunaqarfinni taaneqartuni innuttaasuinut immap pissusaa nakkutigilluaqquneqarpoq, imarlu tassanngaannartumik ulikkiartulissappat kalerrisaarulluunniit appinneqarmat qaqqamut qimaaqquneqarlutik.
• Nuugaatsiaq, Illorsuit Niaqornallu inuerussimalerput. Politiit angallataat Sisak IV umiarsuullu alapernaarsuutip Vædderenip piffimmi nunaqarfiit pingasut alapernaarsungaraat.
• Taakku aamma qimmit nerisinneqarnissaat isumagaat.
• Qimmillu nunaqarfimmut allamut ataatsimut nuunneqarnissaat sulissutigineqarpoq.