inimik attartortitsinerit
AirBNBimi attartorneqarsinnaasut amerlisinneqartut
Internet tunngavigalugu isaaffik inissianik/illunik a artortitsisarfik AirBNB Kalaallit Nunaannut pisimavoq. Attartortitsisartut maannakkut 120-upput
Ineeraq inissaqarluartoq nuannersoq, pattagialik, fjernsynilik immallu tungaanut isikkivilik illutta pingasunik quleriiusup initaani allerniittoq.
Taamatut inissiani/illuni 120-usuni ineeqqamut ataatsimut tunngatillugu tuniniaanermi allagartaq allassimavoq, taannalu Kalaallit Nunaanni inissianik/illunik ujaasigaanni AirBNB.com-imi naammattoorneqarsinnaavoq.
Internettikkut attartortitseriaaseq
AirBNB tassaavoq internet tunngavigalugu inissiaatinik / illuutinik nammineq pigisanik attartortitsisarnermut siammarterivik. Nunarsuaq tamakkerlugu nunani 190-ini illoqarfinni 34.000-iusuni attartorneqarsinnaasut 1,5 millioninit sinneqartut neqeroorutigineqartarput.
AirBNB ima sakkortutigisumik Danmarkimut inissippoq allaat ullumikkut innuttaasut angerlarsimaffiutaanni siniffiit akunnittarfinni siniffinnit attartortinneqartartunit amerlanerulersimallutik. Kalaallit Nunaanili taama sukkatigisimanngilaq, attartortitsisartulli amerliartorusaarput, AirBNB-mit Sermitsiamut oqarput.
30 procentit missaani amerleriarsimasut
Juulimi assersuutigalugu Kalaallit Nunaanni AirBNB-kkut inissiat/illut attartorneqarsinnaasut 100-pput, tassa ukiumut 29 procentinik piorsaanerit annertusinerattut ippoq, ukiup siulianut sanilliukkaanni.
AirBNB aqqutigalugu takornariat qassit inissianik / illunik attartortinneqarsimanersut AirBNB-mit paasissutissiissutigiumaneqanngilaq takornarialli tamakku siornamut sanilliullugit 48 procentinik amerleriarsimasut tassanngaanniit paasissutissiissutigineqarpoq.
Visit Greenlandi ajornatorsiuteqanngitsoq
Visit Greenlandimit innuttaasut inissianik / illunik attartortitsisarnerat qujarunneqarpoq.
Attartortitsisarneq pillugu allaaserisaq Sermitsiaq aviisimi tamakkerlugu atuaruk, aviisi digitaliusoq uani pisiarisinnaavat: