Skip to main content

Air Greenland: Kiffartuussinissamut isumaqatigiissutit tigoqqikkusuppavut

Air Greenland, qulimiguullit nutaat atorlugit ilaasunik angallassinermut kiffartuussinissamut isumaqatigiissutit uterteqqinniarpai

Timmisartuutileqatigiiffiup Air Greenland A/S-ip pisortaanera, Jacob Nitter Sørensen qularuteqanngilaq; ingerlatseqatigiiffiup sulissutiginiarpaa Kujataani ilaasunik angallassinermut isumaqatigiissutit annaasani Disko Line-mit utertinniarneqassapput.

Sermitsiaq allappoq.

Kiffartuussinissamut isumaqatigiissutit naatinnagit Air Greenland
isumaqatigiissutinik annaasaminik utertitsiniarnermini sakkugiumaagassaasa ilaat imaappoq:

- Avannaani Kujataanilu Disko Line kiffartuussinissamut isumaqatigiissuteqarpoq, silaannakkut angallassinermut tunngatillugu qulimiguuliutigut attartorlugit ilaasunik angallassivoq – taakkorpiaappullu angallassinerit uterteqqinniarlugit sulissutigileriikkavut, piffissarlu takkuppat qulimiguullit nutaanerit atorlugit kiffartuussinissarput siunnerfigaarput. Bell 212-it angallassissutigissallugit qulimiguulinnut allanut sanilliullugit akikinnerupput, taamaattorli taakku pisoqalipput aammalu piffissamut naleqqukkunnaalerlutik. 

- Taamaammat kiffartuussinissamut isumaqatigiissut una atorunnaartussanngorpat neqerooruteqarnitsinni 212-erit aallaaviginavianngilavut. Taamaammat isumaqatigiinniarnissanut tullernut Air Greenland nutaanik qulimiguulinnik
angallassissuseqarnissamik tunngaveqarluni neqerooruteqassaaq. Maannangaarlu oqaatigisinnaanngilarput ilumut Air Greenland isumaqatigiissutinut nutaanut ajugaasuujumaarnersoq, taamaattorli qularutigineqassanngilaq piffissanngorpat Air Greenland nutaanik qulimiguulinnik aallaaveqarluni neqerooruteqassaaq, Air
Greenland-ip pisortaanera, Jacob Nitter Sørensen, Inatsisartunut qinersineq sioqqutilaarlugu Narsarsuup siunissaa pillugu isumasioqatigiinermi oqarpoq.

Allaaserineqartoq aviisimi Sermitsiami, aqagu tallimanngornermi saqqummertussami, tamakkiisumik atuarneqarsinnaavoq. Aviisi uani pisarineqarsinnaalereerpoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER