taamaatitsinerit
Air Greenlandip Uummannap nunaqarfiinut timmisartuussinerit taamaatippai
Nuugaatsiamut, Illorsuarnut aamma Niaqornanut timmisartuussinissat maannamuugallartoq sisamanngorneq ilanngullugu taamaatinneqarput.
Qimagussortitsisoqarnera pissutigalugu Air Greenlandip Nuugaatsiamut, Illorsuarnut aamma Niaqornanut timmisartuussinissat maannamuugallartoq sisamanngorneq ilanngullugu taamaatippai.
Ingerlatseqatigiiffik tusagassiuutinut nalunaarummi allappoq.
Nunaqarfinnit taakkunannga ilaasussat bilitseqareersut bilitsimik akii utertissagaat, ingerlatseqatigiiffik ilisimatitsivoq.
Qulimiguulik
Inunnik qimagussuineq qaqugu taamaatinneqassanersoq paasinarsiniariarpat timmisartuussinerit aallarteqqinneqassapput.
Tamatuma kingorna ilaasussat ornitassaminnut apuunneqarnissaat sapinngisaq tamakkerlkugu anguniarneqassaaq.
Qaarsunut aamma Qaarsuniit timmisartuussinerit aallarteqqinneqarsimalertut, aamma Qaarsut Uummannallu akornanni qulimiguulimmik timmisartuussinerit aallartittut, ingerlatseqatigiiffik ilisimatitsivoq.