Air Greenlandip unammillertoqarnerulernissaa naatsorsuutigaa

Nuummi mittarfissaq piviusunngussappat, ingerlatseqatigiiffiit amerlanerusut Atlantiku qulaallugu aqqummut soqutiginnittut amerlanerulissapput. Air Greenlandip pisortaa Jacob Nitter Sørensen naliliivoq.

Flyvechefen hos Air Greenland, Jacob Nitter Sørensen

Nuummi mittarfiup nutaap Air Greenland nutaamik inissillugu unammillernerulertissagaluarpaa.

AG taama allaaserisaqarpoq.

Ingerlatseqatigiiffiit arlallit Nuummut timmisartuussinissaminnut piareersimapput, angalaneq Kangerlussuakkoornermit ajornannginnerummat. Air Greenlandip pisortaa Jacob Nitter Sørensen naliliivoq.

- Niuerfimmik iluaqutiginneqataanerput tatineqalissaaq. Timmisartut arlaqarnerusut ornigassaminnut ingerlaarsinnaalerpata nunatta iluani timmisartuussivimmi angallannermi appariarnermik pilersoqassaaq. Naatsorsuiniarnerli pisariuvoq. Akerlianimmi naleqartitatsinni ataqatigiiaani iluaqutissanik allanik angusaqassaagut. Angalatitsivipput akunnittarfippullu ilaasut amerleriarnerannik iluaqutiginnilissapput.

- Ataatsimut isigalugu pitsaasuua ajortuualuunniit?

- Ataatsimoortutut isigalugu siunissaq isumalluarnartorujussuartut isigaara. Niuerfik siuariarnermik misigisaqassaaq, aamma Air Greenland misigisaqassaaq. Suleriaasitta pitsaanerpaaffissamiilersinnissaanut ukiut 57-it atorsimavavut. Taamaattumik pissusiviusunut nutaanut, ilaasut annertunerusumik aalajangiiffigisassaannut, aamma piareersimavugut, Jacob Nitter Sørensen AG-mut oqarpoq.

Pisortap aamma bilitsit akii 20-30 procentimik akikillinissaat naatsorsuutigaa, kisianni sumiiffinnut toqqaannartumik timmisartorfiusinnaasunut.

Jacob Nitter Sørensenip AG-mi ilisaritinneqarnera atuaruk:

Powered by Labrador CMS