Air Greenlandip anorersuarnerani timmisartuussinnginnerata ilaasut 500-t sunnerpai

Nuummit, Maniitsumit aamma Sisimiunit timmisartuussinissat tamarmik ataasinngornermi ulloq 22. februaari anorersuarnera pissutigalugu taamaatiinnarneqarput.

Timmisartuussinissamut pilersaarutit sinnerisa nalinginnaasumik ingerlanneqarnissaat naatsorsuutigineqarpoq.

Marlunngornermi ualikkut aatsaat anorikilliartulernissaa naatsorsuutigineqarpoq, tamatumalu kingorna timmisartuussinissat aallarteqqinneqassapput. Tamatuma aamma kinguneraa Københavnimut aallarnissaq marlunngornermi nalunaaqutaq 21. 25 aatsaat pisussanngormat.

500-t sinneqartut sunnerneqartut
Timmisartuussinissat ullumi unitsiinnarneqarneranni ilaasussat 500-nit amerlanerusut eqqorneqarput, ajoraluartumillu tamatuma aamma kingunerissavaa ilaasussat Danmarkiliartut ilaat aatsaat sisamanngornermi ulloq 25. februaari apuuffissaminnut apuussinnaassammata.

Ilaasussat eqqorneqartut angalanissamik allannguutaat pillugit Air Greenland’imit sms’imik nassinneqarlutilluunniit angalatitsivimminnit mailimik tigusaqarlutilluunniit sianerfigineqarsimassapput.