unammilleqatigiinneq
Air Greenlandi unammillerteqalernermut: Ineriartorneq malinnaavigaarput
Aluu Airlinesip nunatta iluani nunatsinniillu timmisartuussisalernissaminut nalunaaruteqarnera Air Greenlandimit utaqqimaarnermik tiguneqarpoq
Sermitsiaq.AG-p atuartartuisa amerlasuut Aluu Airlinesip pilersinneqarneranut kiisalu timmisartuutileqatigiit nunatsinnut timmisartuussisartut pioreersut unammillerlugit timmisartuutileqatigiiffimmik aallartitsinerat nuannaarutigaat. Kisianni Air Greenlandi utaqqimaarpoq.
- Air Greenlandimi niuernermut pisortaq, Christian Keldsen, Air Greenlandimit Aluu Airlinesip, soorlu Nuummiit Ilulissaniilluunniit Kangerlussuakkoorluni Københavnimukarnissamut siumut utimullu 3.999 koruuninik akiliilluni unammillernera, qanoq isumaqarfigaasiuk?
- Niuerfitsinni qanoq pisoqarneranik malinnaavigiuarparput, taassumalu saniatigut eqaatsumik sullitatsinnullu naleqquttumik suliffeqarfimmik ingerlatsinissarput anguniartuarlugu, Christian Keldsen, Air Greenland unammillersinnaalluarnersoq pillugu akissuteqarusunngitsoq taama oqarpoq.
Atuaruk: Timmisartunik ingerlaarfinni akinik unammileqatigiinneq
Aluu Airlines A/S Pele Brobergimit, siornatigut Air Greenlandimi timmisartortartuusumit pigineqarpoq, niuernermut pisortaralugu Kuno Fencker, maanna Royal Arctic Linemi siulersuisuni siulittaasuusoq. Timmisartortitsileqatigiiffik Nuummit aallaveqarpoq.
Nuummiit Ilulissanut uterlugulu 3.999 koruuninik akiliinermi inersimasumut bilitsi, akileraarutit akitsuutillu ilanngullugit, tamakkiisumik eqaatsumillu matussusissavaat.
Aluu Airlinesip qammatip naajartulernerani bilitsinik tuniniaalernissani naatsorsuutigaa, taamatullu aamma juunip aallaqqaataani timmisartuussisalersinnaanini.
Aluu Airlines pillugu annertunerusumik aviisimi Sermitsiami atuarit. Timmiartut suut atorneqassanersut, unammilleqatigiinneq, piginnittussaaneq kiisalu nammineq oqaatigisaat 'Patajaatsumik ajutooriataarsinnaanermullu sillimaffiginnittumik aningaasaliisoqarlutik' oqaatigaat. Aviisi uani pisiariuk: