timmisartoq ajutooreersoq
Air Greenland: Dash 8 tatigaarput
Timmisartup Dash 8ip Ilulissani pingasunngornermi ajutoornerata kingorna Air Greenlandip timmisartut taamaattut suli tatigai
Timmisartunik suluusalinnik Air Greenland aatsaat ajutoorpoq Dash 8 pingasunngornermi ullaakkut mittarfiup sinaanut sisoormat. Suluusalinnik ilaasunik timmisartuussinermi Nunatsinni atorneqartuni Dash 8 nutaajunersaavoq 2010-mi atorneqalerluni. Ilulissani ajutoortoqaraluartoq Air Greenland Dash 8-nik atuinermik isumakulunnartoqartitsinngilaq.
Takuuk: Assit: Timmmisartoq ajutoortoq aana
Atuaruk: Timmisartup ajutoornera: Paasiniaaneq sivisussaaq
Inunnik annertunerusumik ajoqusertoqanngilaq Air Greenlandip timmisartua Dash 8 mittarfiup sinaanut sisoormat. Timmisartut ajutoorsimanerinik misissuisartut sisamanngornermi Ilulissanut tikissapput.
Atuaruk: Ilaasoq: Minnginnitsinni sequnngerpunga
Atuaruk: Air Greenland: Ajutoortoqarnerani ima pisoqarpoq
Ajutoornerit akuttupput
Dash atorlugu timmisartuussinerit Nunatsinni 2010-mi aallartipput taamanikkut Air Greenland Dash 8-200 37-nik ilaasoqarsinnaasoq atulissallugu aalajangermat. Timmisartuutileqatigiit taakku ullumikkut tallimanik Dash 8-nik timmisartuuteqarput.
Atuaruk: Timmisartut ajutoorsimanerinik misissuisartut Ilulissanukartut
Atuaruk: Mittarfeqarfiit: Uani ajutoortoqarpoq
- Ilulissani ajutoornerup Dash 8-ip timmisartuussinermi isumannaatsuuneranik qulalersinngilaatigut. Timmisartut Dash 8-rpassuit nunarsuarmi tamarmi ullumikkut atorneqarput taakkuninngalu atuinermi ajutoornerit akuttusoorujussuupput, Air Greenlandimi aningaasarsiornermut pisortaq Christian Kjeldsen pingasunngornermi tusagassiortunik katersortitsinermi oqarpoq.
Atuaruk: Air Greenland: Dash 8 mittarfiup sinaanut sisoorpoq
Pissutaasoq suli naluaat
Air Greenlandip aamma suli utaqqimaarallarpaa timmisartut ajutoornerinik misissuisartut Ilulissani misissuinerminnit nalunaaruteqarnissaat.
Atuaruk: Timmisartoq Dash 8 Ilulissani ajutoortoq
Atuaruk: Politiit: Ilaqutaasut paasiniaallutik sianersinnaapput
- Misissuisummi ajutoornermut pissutaasoq pillugu qanoq inerniliiumaarnersut maanna ilisimanngilarput. Taamaammat misissuinermit inerniliussat utaqqimaarallarpagut arlaatigut isummersulertigata, Christian Kjeldsen oqarpoq.
Timmisartut ajutoorsimanerinik misissuisartut nalunaarusiaagallartumik ullut 30-it iluanni saqqummiussaqassapput, ajutoornermulli pissutaasumik inaarutaasumik eqikkaaneq ukiut marluk angullugit suliarineqarsinnaavoq.
Ilulissani ajutoornerup kinguneranik Air Greenland Nunatsinni timmisartuussinermi timmisartumik ataatsimik amigaateqalerpoq. Taamaammat timmisartuussinerit allannguuteqarsinnaasut, timmisartuutileqatigiit nalunaarput.