Silaannakkut angalaneq

Air Greenland: Timmisartuussinissanik allannguisoqassanngilaq

Flyinfo.gl-imi paasissutissat iluarsuneqarput

Flyinfo.gl-imi assi nalunaaqutaq 08.50 screendumperlugu tigusaq - Ari Greenlandip timmisartuussinissai unitsinneqanngillat

(Maluginiaruk: Allaaserisap saqqummiunneqarnerani 09.48-mi flyinfo.gl-imi teknikkikkut ajutooqqavoq - taannalu iluarsineqareerpoq. Allaaserineqartoq 09.04 saqqummiunneqarpoq)

Sermitsiaq.AG-mi atuartartut angalasussallu arlaleriarlutik aaqqissuisoqarfimmut paatsuungallutik nalunaarput pingasunngornerup ullaani. Timmisartukkut angallassinissat flyinfo.gl-mi nalunaarutigineqartut paasinaatsillugit nalunaarlutik.

Air Greenlandilli angallassinissaani pilersaarutigineqartut tamarmik ingerlanneqassapput.

Air Greenlandip attaveqarnermut akisusssasua Katrine Hjelholt Nathanielsen ilisimatitsivoq.

- Angallassinissanik kinguartitsinerit unititsiinnarnerillu misissorpakka, paasissutissat eqqortuunngillat, timmisartuussinissat tamarmik ingerlanneqassapput, Sermitsiaq.AG-mut oqarpoq.

- Flyinfo.gl-imili timmisartuussinissanik unititsiinnartoqartoq takuneqarsinnaavoq.

- Air Greenlandip atortorissaarutaani kukkusoqarnera pissutaalluni taamatut nalunaartoqarpoq eqqunngitsumik, Mittarfeqarfinnit tamanna iluarsaanneqaleruttorpoq. Timmisartuussinissanik unititsisoqanngilaq, Katrine Hjelholt Nathanielsen oqarpoq.

(Maluginiaruk: Allaaserisap saqqummiunneqarnerani 09.48-mi flyinfo.gl-imi teknikkikkut ajutooqqavoq - taannalu iluarsineqareerpoq. Allaaserineqartoq 09.04 saqqummiunneqarpoq)

Powered by Labrador CMS