soraarsitsinerit
Air Greenland sulisunik 30-nik soraarsitsivoq
Namminersorlutik Oqartussani Nunatta kujataanik allaanerusumik angallasseriaaseqartoqarnissaa kissaatigaa, tamannalu timmisartuutileqatigiiffimmit kinguneqartinneqarpoq
Nunatta kujataani angallasseriaatsip 2015-mi malunnaatilimmik allanngortinneqarnissaa pissutigalugu Air Greenlandimi atorfeqartut 640-sut akornanni 30-it soraarsinneqarput.
Sullissinissamik isumaqatigiissut allanngortinneqarpoq, tassani Namminersorlutik Oqartussani angallassinermut isumaqatigiissutaa allanngortinneqarluni.
Namminersorlutik Oqartussanit Nunatta kujataani qulimiguulimmik angallassisarnermit angallatinik angallassisarnernut allanngortippaa, taamaattumillu timmisartuutileqatigiiffik sulisorineqartunik soraarsitsilluni.
- Aalajangiineq imaannaanngitsuunngilaq. Angallannerilli maannamut annikillinikuupput, taamaattumillu nalimmassaasoqartariaqalerluni, Air Greenlandimi niuernermut pisortaq, Christian Keldsen oqarpoq.
Soraarsinneqartuni 30-suni kujataani 22-t sulisuupput.