Skip to main content

Air Greenland peqqinnissaqarfimmut atugassamik pisivoq

Peqqinnissaqarfiup Air Greenlandimik suleqateqarnini ingerlateqqissavaa, aammalu innuttaasunik nakorsartittarialinnik angallanneqarnissamut pisariaqartitsisunik assartuussinissamut ukiuni pingasuni atuuttussamik isumaqatigiissuteqarfigaa.

Isumaqatigiissut nutaaq 1. juli 2019 - 30. juni 2022-mi atuutissaaq, taassumalu kingunerisaanik Peqqinnissaqarfimmut timmisartoq ambulance ukioq kaajallallugu ullormut nalunaaquttap akunnerini 12-ini atugassanngortinneqarpoq, Air Greenland tusagassiutinut nalunaarummi allappoq.

Aamma isumaqatigiissutip nutaap kingunerisaanik Peqqinnissaqarfiup siunissami kiffartuussinera pitsaanerulertussaavoq, Air Greenlandip isumaqatigiissuteqarnermut atatillugu Super King Air-imik, innuttaasunik angallanneqarnissamik pisariaqartitsisunik sullissisussamik nutaarluinnarmik pisinissani aalajangiussimammagu.

- Isumaqatigiissuteqarnikkut Peqqinnissaqarfiup innuttaasunut angallanneqarnissamik pisariaqartitsisunut neqeroorutaasa qaffasissumik pitsaassuseqaannarnissaat qulakkeerneqassaaq, tamannalu nuannaarutigaarput suleqatigiinnerullu ingerlaqqinnissaanut qilanaarluta, Peqqissutsimut Pinaveersaartitsinermullu Aqutsisoqarfimmi aqutsisoqarfimmut pisortaq Malene Marie Nielsen oqarpoq. 

King Air nutaaq suli Peqqinnissaqarfimmi atugassanngortitaassaaq aammalu Kalaallit Nunaata iluani aammalu Kalaallit Nunaata Islandillu akornanni timmisartuussisassalluni. 

Aamma Air Greenland JoinJet atorlugu nakorsartarialinnik Kalaallit Nunaata Danmarkillu angallassisarnernik ataqatigiissaarisassaaq. 

Timmisartoq nutaaq immikkut ittumik sananeqarluni Peqqinnissaqarfiup aamma Air Greenlandip akornanni tunngavissiarineqartut malillugit Kalaallit Nunaanni pissutsinut naleqqussagaassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER