sinersortaat
Air Greenland Arctic Umiaq Linemit anivoq
Royal Arctic Line maanna ingerlatseqatigiiffimmik Sarfaq Ittumik ingerlatsisumik kisermaassilluni piginnittunngorpoq
Air Greenland ukiuni qulini Arctic Umiaq Linemik ingerlatseqataareerluni aaliangersimavoq piginneqatigiiffimmi piginneqataassutsini (50 procentit) iperarlugit tuniniarlugit. Umiarsuaateqarfiup siulersuisuini siulittaasoq, Flemming Knudsen, tusagassiuutinut nalunaarummi ilisimatitsivoq.
Isumaqatigiissut juunip 30-ani atuuttussanngorlugu atsiorneqarpoq.
Atuaruk: AUL-imi sulisut 45-t siunissartik naluaat
Kifffartuussinissamut isumaqatigiissut
Royal Arctic Linellu piginneqatigiiffiup ingerlatai Namminersorlutik Oqartussat isumaqatigiissuteqarfigalugit ingerlateqqinnialerpai maanna amigartooruteqarnermut qularnaveeqqusiinissamik isumaqatigiissutaasoq 31. december ulloralugu naammassippat.
Arctic Umiaq Line 2006-imili, maanna piginnittuusut aningaasalersuinerisa iluanni ingerlatsinermut atatillugu annertuumik Royal Arctic Linemut attuumassuseqarsimavoq.
Atuaruk: Takornarianut nassuiaassisut Sarfaq Ittuk suleqatigaat
AUL-ip umiarsuaanik ingerlatseqqinnissaq aqqutigalugu umiarsuaatileqatigiiiffiup pingaarnertut suliarisartagaasut, tassalu inuttalersuineq teknikkikkullu aserfallatsaaliuisarneq tunuliaqutserlugit ikorfartussavai.
Air Greenlandip Arctic Umiaq Line niuernerpalaartumik suleqatigiinnassavaa, soorlu Kalaallit Nunaanni takornariaqartitsinerup siuarsarniarneranut tunngasut iluini.