anorersuaq
Air Greenland: Anorersuarnissaanik aarlerisaarisoqarmat timmisartuussinissat allanngorput
Timmisartuussinissat qanoq allannguuteqarnersut takukkit
Anorersuarnissaanik aarlerisaarusoqarnera pissutigalugu Air Greenlandip silaannakkut angallassinissai allannguuteqarput ullumi tallimanngornermi.
Timmisartuutileqatigiiffik ima nalunaaquttap 09.00-p missaani nalunaaruteqarpoq.
Danmarkimit ilaasunut tunngatillugu:
Imarpik qulaallugu timmisartoq pilersaarutit malillugit Københavnimiit aallassaaq.
Ilaasut ukununnga ingerlaqqittussat: Sisimiunut, Aasiannut, Ilulissanut avannarpasinnerusumullu, pilersaarutaareersut malillugit timmisartuuneqarnissaat naatsorsuutigineqarpoq.
Ilaasut ukununnga ingerlaqqittussat: Nuummut, Maniitsumut, Paamiunut aamma Kujataanut, Kangerlussuarmi unnuisariaqarput, arfininngornermi apuuffissaminnut timmisartuuneqassallutik.
Danmarkimut ilaasunut tunngatillugu:
Imarpik qulaallugu timmisartoq Kangerlussuarmi tallimanngornermiit arfininngornermut unnuissaaq.
Illoqarfinnit anorlerfiusunit ilaasut: Nuummiit, Maniitsumiit, Paamiuniit Kujataaniillu, arfininngornermi Kangerlussuarmut timmisartuunneqassapput – ulloq ataaseq kinguaattuussallutik.
Ilulissaniit Sisimiuniillu ilaasut arfininngornermi Kangerlussuarmut timmisartuunneqassapput – ulloq ataaseq kinguaattuussallutik.
Aasianniit Danmarkimut ilaasut tallimanngornermi Kangerlussuarmut timmisartuunneqassapput, tassani arfininngornermut unnuissallutik.
Air Greenlandip timmisartuussinissamut pilersaarutaat uani takuneqarsinnaavoq