timmisartup ajutoornera

Air Greenland: Ajutoortoqarnerani ima pisoqarpoq

Timmisartup minnermini ajutoornerata misissorneqarneranut paasineqarallartut Air Greenlandip nalunaarutigai

Nalunaarutigineqarpoq timmisartumi 12-nik ilaasoqartoq timmisartorlu pingasunik ituttaqarluni. Ilulissat Mittarfianut minnermini sisoorpoq

Air Greenlandip timmisartuisa ilaat Dash 8 Ilulissat Mittarfiannut minnermini pingasunngornerup ullaavani ajutoortoq 12-inik ilaasoqarpoq timmisartorlu pingasunik inuttaqarluni.

Inuit sisamat ajoqqusersimasut napparsimaviliaanneqarput, ilisimatitsissutigineqarporli annertunngitsumik ajoqqusersimasut.
Timmisartup minnermini mittarfiup sinaanut sisoorpoq nalunaaqutaq 08:43.

Air Greenlandip ajutoortoqarneranut ilisimasatik ima nalunaarutigaat:

  • Timmisartoq Dash 8-aavoq, Kangerlussuarmiit Ilulissanukartoq
  • Ilaasut 12-iupput inuttallu pingasuullutik
  • Timmisartoq mittarfimmiit avammut nakkarpoq
  • Annertuumik ajoqusertoqanngilaq
  • Ajutoornermut Ataatsimiititaliarsuaq ilisimatinneqarpoq, aammalu aqagu Ilulissanut tikissalluni
  • Air Greenlandip ajutoornermut upalungaarsimanera aallartinneqarpoq, aammalu suleqatigiit Nuummiit Ilulissanukaanneqarput, ilaasunut, inuttanut, oqartussaasunut ilaalu ilanngullugit ikiuiartortinneqarlutik
  • Ajutoornermut peqqutaasoq suli ilisimaneqanngilaq, oqartussaasut misissuinissaat utaqqivarput
  • Avannaani timmisartuussinerit ataasiakkaat taamaatinneqarput, Air Greenlandip nittartagaani piffissanut timmisartuussivissanut qupperneq aqqutigalugu paasiniaasoqartarsinnaavoq

Ajutoortoqarnera pillugu Air Greenland nalunaaqutaq 15.00 tusagassiortunik katersortitsissaaq pingasunngornermi Nuummi.

Powered by Labrador CMS