INUERUKKIARTORNERUP KINGUNERI
Agguaassassat 70 millioninik amerlanerusut
Ukiuni 20-ni innuttaasut aatsaat taama ikitsigaat. Tamannali ajortuinnaava?
Kalaallit Nunaata inuerukkiartuinnarnera ajornartorsiuterpassuarnik alianartumillu kinguneqarpoq. Aammali immikkut isigalugu pitsaasumut sangutinneqarsinnaavoq.
Danmarkimiit ataatsimoortumik tapiissutit naluneqanngitsutut nikittussaanngillat maannakkullu ukiumut 3,7 milliard koruunit missaanniillutik.
Taamaalilluni inummut ataatsimut tapiissutaapput 75.000 ko ruuningajaasut. Ukiunilu kingullerni inuerukkiartornermi inuit 900 missaanniittut nuuttarmata taamaalilluni inunnut qimagaasunut 70 million koruuningajaat atugarissaarnermut atorneqarsinnaassapput.
'Avitseqatissat' ikinnerusut
- Ilumoorpoq innuttaasut ikinnerulerpata inummut ataatsimut ataatsimoortumik tapiissutit nalingat qaffassammat. Ikinnerusut ataatsimoortumik tapiissutit ‘agguaatissavaat’, aningaasaqarnermut ilisimatooq Torben M. Andersen AG-mut oqarpoq.
Kalaallit Nunaanni aningaasaqarnermut siunnersuisooqatigiinni siulittaasuuvoq, ukiumilu kingullermi ukiumoortumik nalunaarusiamini innuttaasut nuuttarneri aallartarnerilu pillugit immikkut qulequtaqartoqarsimalluni.
Tamannalu aarlerinartunik siulittuinermik imaqarpoq, Kalaallillu Nunaanni Naatsorsueqqissaartarfiup saqqummerseqqammigaani inuerukkiartorneq pillugu kisitsisinik nutaanik ersarissitinneqartoq.
Atuaruk: Innuttaasut ukiuni 20-ni aatsaat taama ikitsigisut
Ernumanartoq
Tamatumani takuneqarsinnaavoq ukiuni 20-ni innuttaasut aatsaat taama ikitsigisut: Januaarip aallaqqaataani 2016-imi Kalaallit Nunaanni innuttaasut 55.847-pput, tassalu ukiumi kingullermiinnaq inuit 137-nik ikilisimallutik, - 2012-imiillu 902-nik.
Kisitsisit naalakkersuinermik suliaqartunit arlalinnit qisuariaatigineqarput, ilaatigut Sara Olsvigimit:
- Ineriartorneq ernumanarpoq naalakkersuinikkut iliuuseqarfigineqartariaqarluni. Suliassat annertunerujartortut kivittussaavagut, ataatsimoorlutalu immitsinnut kajumissaartariaqarpugut nunatsinniiginnassalluta, IA-mi siulittaasoq oqarpoq.
Atuaruk: Kalaallit amerlassusaat eqikkiartorpoq
Uani saapaatip-akunnerani AG-mi saqqummertumi allaaserisaq tamaat atuaruk: