AG sapaatip akunnerani matumani saqqummersoq juullimi ukiortaamilu aviisiuvoq

AG nalinginnaanngitsumik imaqarluni saqqummerpoq, tassami juullimi ukiortaamilu saqqummersussatut sanaajuvoq. Aviisi ullunut tulliuttunut 14-nut naleqqulluni saqqummerpoq. Assigiinngitsunik allaaserisanik aviisimi atuartoqarsinnaavoq. Allaaserisat juullimut naleqquttuummut. Aviisimi ilaatigut atuarneqarsinnaapput:

• NunaMinerals ajornartorsiortoq: Pigisat nalingi appariartupiloortut. Aningaasaliisartut suli aningaasaliisassanerpat?
• Royal Greenlandip naatsorsuutai sinneqartooqqipput. Kisianni pisortat najugaqarfissaat pillugu politikerit piumasaqaatertik attatiinnassappassuk Naalakkersuisooqatigiinngortut ingerlatseqatigiiffimmi aqutsisuni ajornartorsiortitsilersinnaapput.
• Titartakkat piareersimapput. Ingerlatsinermut animngaasartuutissat inisseriarpata, aatsaat eqqumiitsulianik saqqummersitsivissap sananeqarnissaanut tapiissutinik qinnuteqartoqarsinnaavoq. Namminersorutik Oqartussat assut nipaassimanerat maanna kinguneqartinneqalerpoq. Allaaserineqartoq AG-mi atuaruk.
• Politikikkut oqaluttuarisaanermi nutaanerusumi ukioq manna aatsaat taama pikkunartigaaq. Partiit siulittaasui sisamat naalakkersuisullu siulittaasua ataaseq taarserneqarput. Taakkualu qinersinerup inerneranik tupaallaataaqisumik malitseqarput. AG-p pisut pingaarnersaat nalilersorpai.
• Ujarakullassuaq qangarsuaaneersoq sapaatip-akunnerata naanerani kingullermi avataarsuaniit Kujataanut nakkarpoq. Maanna ullorissap anaata nassaarineqarnissaa ilisimatusartut neriuutigaat. Taanna avataarsuata aaqqissuunneqa pillugu annertunerusumik AG-mi atuaruk.
• Ukiup Timersullammaa – Frederik Petersen – timersuutinik sisamanik aallutaqarpoq, ullormullu marloriarluni sungiusarusuttarluni.
• Silaannaap allanngoriartornerata ilutigisaanik nannut ikiliartulersimapput, tamanna Alaskami Canadamilu ilisimatusarnerit paasinarsisippaat, taamaattorli Kalaallit Nunaanni nannut pillugit ilisimasat amigaataapput.
• Nipilersortartoq isiginnaartitsisartutullu ilinniakkaminik naammassinneqqammersoq Mike Fencker Thomsen, Kalaallit Nunaanni eqqumiitsulianik misileraanertalinnik nutaalianik maqaasisaqarpoq.
• Sermitsiaq-AGp assiliisua Leiff Josefsen ukiut tamaasa tusintilikkaanik assiliisarpoq. Aajuku assit kingumut qiviarnermi atugassatut piukkullugit toqqartugai AG-mi takukkit.
• Ilisimatuut pingasut ujaqqamik qullip Kalaallit Nunaanni issittullu kangiani oqaluttuarisaanera pillugu ilisimasat paasisallu ataatsimoortippaat. Qulleq orsutortoq siulleq Nuup eqqaaneersuusoq paasineqarpoq, ukioq 1900 Kr.in.si. missaani.
• Biskoppip allaffeqarfiata misissorpaa organistip inuusuttunnguup Peter Lyberth Josefsenip Tysklandiliartinnissaa. Nipilersornikkut taanna immikkuullarissumik pikkorissuuvoq. Inerisarneralu aatsaat aallartilaarpoq.
• Unniami atuagassarpassuaqarpoq. Qinersereernerup kingorna Aleqa Hammondip apersorneqarnera atuaruk. Julie Berthelsen katissanersoq katissannginnersorluunniit aamma atuarneqarsinnaavoq. Carl Christian Olsenip soraarninngornerani assilineqartut takukkit. Ukiumi tulliuttumi anguniagarineqartartut pillugit atuarit. Filmi tupannartuliaq 'Unnuap Taarnerpaaffiani' pillugu susoqaqqissanersoq aamma atuarsinnaavutit - filmimi ilitsersuisoq Malik Kleist AG-p apersorpaa. Aviisi allarpassuarnik aamma allaaserisaqarpoq.

AG sapaatip akunnerani saqqummersoq pisiarineqarsinnaalereerpoq. Aviisi nittartakkami atuarneqarsinnaavortaaq

AG Uge 52 2014

Klik her for at læse