Før uranbraget i Inatsisartut

AG-p Narsaq sammisorujussuuvaa

Aviisi sapaatip akunnerani saqqummersoq kujataani illoqarfiup eqqaani uranimik piiaanermi unammilligassat periarfissallu pillugit allaaserisanik ulikkaarpoq

Narsaq

Sapaatip akunnerani tullermi politikerit Inatsisartuni uranimut akuersaannginnerup atorunnaarsinneqarnissaa pillugu oqallisissapput.
Innuttaasulli oqaluttuarisaanermi pingaarutilimmik aalajangiinissamik attorneqartussat qanoq oqarpat?
AG Narsamiissimavoq, aviisimilu sapaatip akunnerani uani saqqummersumi illoqarfik qanimut allaaseraa, illoqarfik taanna Kuannersuarni aatsitassanik piiaaffimmik ammaasoqassappat nunarsuarmi uranimik ammasumik piiaasoqarfiit annersarilissammassuk.
Kujataani illoqarfimmi tassani siunissami aatsitassanik piiaaffissaq isumalluarfigineqarpoq, aammattaarli ersissutigineqaqaluni. Inuit avatangiisit, qitornamik peqqissusaat, radiop qinngornerisa ulorianartut ajoqutissaat ernumagaat.
Allat Narsaq takorloorpaat sukkasuumik pisuunngorfinngorsinnaasutut, ernguffittut perulluliorfittullu. Ilaasa pinngitsaalisamik nuutsinneqarnissartik ersissutigaat. Allat isumaqarput piiaaffeqanngippat illoqarfik kigaatsumik, patajaatsumilli inuerukkiartussasoq frilandsmuseum-inngorluni.
Tamangajavimmilli ataaseq isumaqatigiissutigaat: Illoqarfimmi uranimk piiaaffeqalernissamut akerliuneq annertusiartorpoq. Aalajangiinissaq qanilliartortillugu naaggaartut ullut tamaasa amerliartorput.
AG-mi aamma politikerit nuimanerit oqaaseqartippavut: Naalakkersuisut siulittaasuat Aleqa Hammond Naalakkersuisullu siulittaasorisimasaat Kuupik Kleist assortuussutigineqartoq pillugu akerleriillutik immikkut AG-mut ilanngutassamik isumaliutersuummik allagaqarput.
AG-mi saqqummersumi Narsaq pillugu sunik tamanik atuarit, taannalu pisiarisinnaavat uani imaluunniit nunami sumi tamaani pisiniarfinni kioskinilu:

Powered by Labrador CMS