qinersineq
AG akeqanngitsoq ima atuarneqarsinnaavoq
Atuagagdliutit sapaatip akunnerani matumani saqqummersoq akeqassanngilaq
Tusagassiivik Sermitsiaq.AG aviisinik marlunnik immikkoortunik saqqummiisartoq, aalajangerpaa aviisit tulliani saqqummerpata akeqassanngitsut, tamanna Sermitsiaq.AG-mi allaaserineqartareerpoq.
Sermitsiaq 47 tallimanngormat saqqummertoq akeqanngitsumik atuarneqarsinnaavoq - una toorlugu - aviisi aamma pisiniarfigisartakkanni akeqanngitsumik suli peqassappat tiguneqarsinnaavoq.
Atuagagdliutit saqqummersut 46-ssaat una toorlugu atuarneqarsinnaavoq aamma akeqanngitsumik.
Aviisit marluk kingulliit akeqanngitsumik saqqummernerat pissutaalluni nittartakkap saqqaani pdf-inngorlugit aaneqarsinnaanngillat.
Aviisit nalinginnaasumit anginerusunngorlugit naqiterneqassapput, illoqarfinnut nassiunneqassallutik, akeqanngitsumillu tuniniarneqassallutik. Danmarkimi aamma sumiiffinni aalajangersimasuni tuniniarneqassapput. Nunaqarfiilli tamarmik qinersisoqartinnagu aviisit anngussinnaanavianngillat.