Danmark
Aavaat Christiansborgimi erinarsussapput
Inuiattut Ullorsiornitsinni erfalasutta Erfalasorput Christiansborgimi siullerpaamik amuneqarnissaa kalaallit erinarsoqatigiit malunnarteqataaffigissavaat
Annonse
Inuiattut Ullorsiornitsinni Erfalasorput siullerpaamik Christiansborgimi amuneqassaaq.
Tamanna pissaaq marlunngorpat juunip 21-anni nalunaaqutaq 10.00. Tassanilu erinarsoqatigiit Aavaat Rigsdagsgårdimi, Christiansborg Slotip isaariaata pingaarnersaaniittumi, erinarsussapput.
Folketingip siulittaasua peqataassaaq
Folketingip siulittaasua Pia Kjærsgaard (DF) takkunniarluni nalunaarsimavoq. Politikerillu allat kiisalu Christiansborgimi Statsministeriamilu sulisut peqatigalugit pisoq oqaluttuarisaanermut malunnaatilik malinnaaffigissavaa.
Erfalasorput Christiansborg Slotimiinnaq amuneqassanngilaq, inuiattut ullorsiornitsinni Danmarkimi naalagaaffiup illutaani tamani amuneqassaaq.