Skip to main content

Aatsitassarsiortut amerliartorput

Annikitsumik aatsitassarsiornissamut akuersissutaatillit amerliartorput.

Innuttaasut namminneq piumassutsiminnik aatsitassarsiortartut amerliartorput. Tamanna annikitsumik aatsitassarsiornissamut akuersissutaatillit amerliartornerisa takutippaat.

Siornami annikitsumik aatsitassarsiornissamut akuersissutaatillit 39-jusut ukioq manna 51-upput. Tamanna 2018-imi Kalaallit Nunaanni aatsitassarsiornermik ingerlatanut nassuiaatini takuneqarsinnaavoq. Nassuiaat ‘2018-imi Kalaallit Nunaanni aatsitassarsiornermik ingerlatat’ Aatsitassarsiornermut Aqutsisoqarfimmit saqqummersinneqaqqammerpoq. Akuersissutini tunniunneqartuni 30-t kisermaassisussaatitaalluni annikitsumik
aatsitassarsiornissamut akuersissutaasut 21-t kisermaassisussaatitaanani annikitsumik
aatsitassarsiornissamut akuersissutaapput.

Aatsitassarsiornermut Aqutsisoqarfimmiillu naatsorsuutigineqarput aatsitassarsiorniarlutik misileerusuttut amerleriaqqissasut.

- Annikitsumik aatsitassarsiornissamut suliassaqarfimmi periarfissat ilisimaneqariartornerat ilutigalugu, kisermaassisussaatitaalluni aammalu kisermaassisussaatitaanani annikitsumik aatsitassarsiornissamut aamma piiaanissamut akuersissutit tunniunneqartartut amerliartussasut,
ilimagineqarpoq, nassuiaammi taama allassimasoqarpoq.

Annikitsumik aatsitassarsiornissamut akuersissut aatsitassarsiorluni nassaaraanni misissuinissamut piiaanissamullu akuersissutaavoq.

Kisermaassisussaatitaalluni kisermaassisussaatitaananilu

Kisermaassisussaatitaanani annikitsumik aatsitassarsiornissamut akuersissummi pisinnaatitsissummik pigisaqartoq, sakkunik
tigummiaannartakkanik atuilluni kommunip ataatsip killeqarfiata iluani sumiluunniit aatsitassanik ujarlernissamut katersinissamullu pisinnaatitaaffeqarpoq (allat sumiiffimmi tassani akuersissummik tunineqareersimanngippata).

Kisermaassisussaatitaanani annikitsumik aatsitassarsiornissamut akuersissummi pisinnaatitsissummik pigisaqarneq, taaguutaata naapertorlugu, isumaqarpoq allat sumiiffimmi tassani aatsitassarsiorsinnaanngitsut. Kisermaassisussaatitaalluni annikitsumik aatsitassarsiornissamut akuersissut 1 km2-isut annertussuseqartoq misissuinermut piiaanermullu atatillugu
sakkunik arlalinnik atuiffigineqarsinnaavoq.

Kikkut tamarmik ujaqqanik erlinnartunik ujaasisinnaapput

Tamatuma saniatigut kikkut tamarmik Kalaallit Nunaanni aalajangersimasumik najugaqartut, akuersissummik peqaratik,
killilersorneqanngitsumik aatsitassanik 100.000 koruunit inorlugu naleqartunik katersisinnaapput. Matumanilu periarfissat pitsaanerulersimapput, tassami diamantit, rubinit, safir-it, smaragdit, chrysoberyl-it aamma opal-it ujarneqarsinnaalermata. Tamanna siusinnerusukkut inerteqqutaasimagaluarpoq.

Taamaattorli 100.000 koruunit sinnerlugu nalilinnik aatsitassanik katersisoqarpat annikitsumik aatsitassarsiornissamut akuersissummik qinnuteqartoqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER