råstoffer
Aatsitassarsiortitseqatigiiffiit: Periarfissaqarluartoq kisianni allaffissornermik tunngaveqarpallaartoq
Nunatta aatsitassarsiorfiuttut nukittuffiit sanngiiffiilu aatsitassarsiortitseqatigiiffiit 25-t taakkartorpaat.
'Red tape'-uallaarpoq, tassa ingerlatsineq allaffimmi pissutsinik tunngaveqarpallaarpoq aamma Namminersorlutik Oqartussat aatsitassarsiornermi inatsisinik malinnippallaarput.
Tamanna Dansk Industrip aatsitassarsiortitseqatigiiffiit 25-t misilittagaat tunuliaqutigalugit misissuinerannit tamanna atuarneqarsinnaavoq. DI-p nukittuffiitm sanngiiffiit, periarfissat akorngutaasinnaasullut misissoqqissaarpai, aamma SWOT-analysemik taanna taaneqartarpoq.
Nunap aatsitassarsiorfittut periarfissaqarnera aatsitassarsiortitseqatigiiffiit takusinnaagaat, misissueqqissaarnerup takutippaa. Aamma aatsitassat qallorneqanngitsorpassuit nunap nukittuffigisaatut tikkuarpaat. Kisianni illuanik Namminersorlutik Oqartussani atorfillit pissaaneqarpallaartunit misilittagakitsunik, piumassuseqanngitsunit aamma sullissisut naalagaaniartut tamanna pitsaanerulersinngilaat.
Misissuineq ataatsimut isigalugu ima isikkoqarpoq:
Nukittuffiit
- Geologii pitsaasoq
- Europap aamma Amerikap Avannarliup akornanni inissisimaffik pitsaasoq
- Ineriartorneq annikimmat periarfissaqarluartoq
- Inuiaqatigiinnit tapersersuineq
- Malittarisassat inatsisillu ersarissut
Sanngiiffiit
- Attaveqatigiinnerup amigaataanera
- 'Red tape' annertuallaarnera
- Namminersorlutik Oqartussani atorfillit pissaaneqarpallaartut, misilittagakitsut, piumassuseqanngitsut
- Ujaarlerfiusimasuni (aatsitassanik ilisimaneqanngitsunik, aaqq.) ukkataqannginneq
- Kalaallit Nunaat aatsitassarsiorfiunngilaq
Periarfissat
- Aningaasaliinissaq tikikkuminartoq
- Saaffiginniffissamik ataatsimik pilersitsineq
- Inuiaqatigiit aamma ingerlatseqatigiiffiit akornanni avitseqatigiinnerup akuerineqarnera
- Sullissisunit pisariinnerusumik sullinneqarneq
- Sivisuumik piusinnaassuseq
Akorngutit
- Akit appariartornerisa periarfissanik matoorinerat
- Namminiilivikkiartorneq pissutigalugu navianartorsiornerup qaffasinneruleriartornera
- Qinnuteqarnermi pisariaqanngitsumik kinguaattoornerit
- Ajornannginnersiorluni inatsisiliornermut qularneq
- Aatsitassarsiornermut Naalakkersuisoqarfik